إضافة رد
 
أدوات الموضوع انواع عرض الموضوع
  #1  
قديم 2012-04-27, 01:13 PM
| قال الوداع  قال الوداع غير متواجد حالياً

 
تاريخ التسجيل: Dec 2011
المشاركات: 2,154
قال الوداع is on a distinguished road
افتراضي ياشيخ خل القصيد وجنب دروبه ....

يا شيخ خلّ القصيد و جنّب دروبه
قصـايدك بيّن لي وسـْـم شاعرها


حن أبـخص إنـّك تبي تصديق الأكذوبه
تجيك الأبيات .. موزونه .. و تكسرها


لا تشري الشعر من فقران موهوبه
دوّر لحاجه مهيب الشعر و إشترها


إشتر فرس .. طير .. ناقه .. سيف .. لعبوبه
لكن ، لا تشـري من العالم مشاعرها


الشيخ إلى لبـْس ثوبً ماهو بـْـثوبه
تضحك به الناس .. حتى لو يمـسخرها


مافيه داعي تصبّ الشعر بـ عذوبه
فـ أذاني الناس ولاّ في محاجرها


الشعر ، ما يعفي المذنب من آلتـوبه
وإن صـغـّر النفس ولاّ ما يكبرها


كم طيبً ما يعــرْف الشعر و اسلوبه
وكم ضـايعه شعرها فـ الناس شاهرها


و العاشق ، الشعر هو زاده و مشروبه
إلى صبر و رفضت نفسه .. وصبـّرها


وأنا من الضيق كني داخل إنبوبه
تقدر على كتم أحاسيسي ولا أقدرها


ساكت ، و ضـايق عقب توديع رعبوبه
في كل ليله أرجّعها و أذاكرها


قصيدةً فوق سطح الشمس مكتوبه
نقّاد الإبداع ما تقدر تفسرها


جمالها ، معضلة فكريه ، إعجوبه
تزاوج أحلى نسل يعجز يكررها


كنـْها من الـ لا وجود فـ الأرض مصبوبه
تغار منها الأماكن .. بس تشكرها


عند العطورات مكروهه و مسبوبه
لأنها تعطّر عطرها .. ما يعطّرها


ما أعرست لأنها للغيم مخطوبه
لكن .. ولد عمهّا الانسان حاجرها


هي تنظر إن الزواج .. أشياء مسلوبه
ترجع بقوّة عزوم اللي يدوّرها

وهو يشوف الزواج .. أقدار مكتوبه
وإن المره عوره ، الرجال يسترها


بتروح له .. وسط ضحك الناس مغـصوبه
لكن عساه يتجنّب حس خاطرها


وإلا المحبّه ، ولوّ إيشقّق جيوبه
ما حبّـته لو يدللها و يسحرها


تحبني قبل ما تقرب من عيوبه
وأموت فيها من أولها إلى آخرها


للشاعر المبدع " مشاري المري "

انتظر رايكم 
رد مع اقتباس
إضافة رد

مواقع النشر (المفضلة)

الكلمات الدليلية (Tags)
وجنب, القصيد, ياشيخ, خل, دروبه



جديد مواضيع قسم شعر
 
أدوات الموضوع
انواع عرض الموضوع


ياشيخ خل القصيد وجنب دروبه ....




الساعة الآن 06:31 PM


Powered by vBulletin Copyright ©2000 - 2014