إضافة رد
 
أدوات الموضوع انواع عرض الموضوع
  #1  
قديم 2012-04-22, 04:04 AM
| سحرني هواك  سحرني هواك غير متواجد حالياً

 
تاريخ التسجيل: Dec 2011
المشاركات: 416
سحرني هواك is on a distinguished road
افتراضي رجعت لكم لاني مالقيت مثلكم

هذي قصة كتبتها تمثل الرومنسيه ومن جد احتاج مساعدتكم في تقييميها :nightmare::nightmare:


عائلة سعد محمد تعيش بحي الفيصليه بالرياض ويتكون أفراد الأسرة من
ساميه زوجة سعد وعمرها 39سنه متوسطة الطول جذابة الملامح وقمحية البشرة
نايف الولد الأكبر عمره20 سنه طبعا شعره اسود ومجعد وطويل مملوح واسمر
نوره الأخت الوسطى عمرها 18 سنة متوسطه في الطول عيونها واسعة وانفها حاد وقمحية البشرة وشعرها طويل مدرج ناعم اسود
طبعا قبلها بسنه يعني ونوره صف ثاني ثانوي كانت نوره راجعه على البيت وأول ما دخلت شافت نايف وقالت
نوره"الله يعين
نايف"لبش تقولين الله يعين ؟؟
نوره"وش تبي الحين؟؟
نايف "ابد جاي كعادتي الميمونة أنكد عليك وأقولك إنا خلصت اختباراتي اليوم إلا على طاري الاختبارات متى تبدأ اختباراتك؟؟
نوره"يمه شوفي نايف جالس ينر فزني تكفين يمه خذيه من عند خشتي
نايف" وإذا ما رحت من عند خشتك وش بتسوين ها
نوره تصرخ بأعلى صوتها"يمه"
تجي أم نوره وتقول
الأم"نايف وش فيك على أختك خلها يا ولدي تروح ترتاح عشان تقدر تراجع موادها ترى ما قدامها ألا هذي الأسبوعين وتخلص من اختباراتها"
نايف"حاضر يا عيون نايف
تضحك الأم وتقول
الأم"بسرعة يا نوره اطلعي لغرفتك أزين قبل ما يرجع نايف يغثك وترى الغداء جاهز
تركض نوره على الدرج وتوصل في نص الدرج وتقول
"نايف لو ما بعدت من قدام خشتي ترى بصفقك"
نايف"وشو طيب والله لأوريك
وتركض نوره وتدخل غرفتها وتقفل عليها الباب فيقول نايف
"طيب والله لأوريك أصلا ما بتقعدين طول اليوم بالغرفة "
نوره"ألا بقعد روح هالمره أنا انتصرت "
وتضحك بقوه وبصوت عالي عشان تستفزه فيصخ نايف
"يمه شوفي نوره والله لو ما تسكت لأسحب بشعرها"
الأم"انزل يا نايف وتعوذ من إبليس تعال أبيك توصلني لبيت خالتك هدى
نايف"سمعتي يا نوره أمي وش تقول يعني ما يبقى ألا أنا وأنتي"
نوره "يمه تكفين لا تروحين"
نايف"يضحك ويقول جاك الموت يا تارك الصلاة"
الأم"نايف بعد ما نزلت...أنزل بسرعة وأنا أمك لا نتأخر ترى خالتك بتزعل"
نايف"طيب هذا أنا نازل كله ولا زعل أم سعاد
الأم "يا ولد استح شوي أنا أمك واقفة وأنت تتغزل في بنت خالتك امش بس خلك من هاللكاعه
نايف وهو ميت من الضحك"حاضر يا أحلى أم
الأم"توكل تحاول ترقع بس بسرعة شغل السيارة"
ويخرجون من البيت وتسمع نوره صوت قفلت الباب فتفتح غرفتها وتخرج وتنزل عشان تروح المطبخ تأخذ غداءها وبس توصل المطبخ يطب عليها نايف ويقول
"أمي تقول خلصي من أكلك بسرعة وروحي ذاكري"
نوره"نايف وش صاير لك أكيد ضارب راسك في الباب وآنت راجع"
نايف "لا ابد بس أبي أتفرغ لك لما ارجع لان أمي إذا عرفت إني دخلت عشان أصفقك بتزعل مني هذا كل الموضوع"
ويجي رايح فيلتفت ويقول
"بالعافية عليك هالاكل تهني فيها لاني راجع بسرعة"
ويضحك ضحكة طنازه على نوره ويخرج ويركب السيارة ويقول لامه
"يمه ترى صاحبي جاسم بيجي الرياض وهو ما يعرف شي حد بالرياض فيعني...."
الأم"خلاص خله يجي يبات عندنا في غرفه الضيوف"
نايف"بالبيه يمه والله انك ريحتيني بكلامك لا عدمناك يا شيخه... بس أبوي مين راح يقنعه؟؟"
الأم"خل أبوك علي أنا وأنت قوم باضيافة اللي تبيض الوجه"
نايف"حاضر يا أحلى وأجمل لام بالدنيا"
تضحك أم نايف ويوصل نايف بيت خالته ويقول
"يمه تتوقعين أن سعاد تفتح الباب عشان تستقبلك وإلا خالتي هدى"
الام"طبعا خالتك هدى لان سعاد عندها اختبارات"
نايف"والله بغيت انزل معك بس الحين بطلت"
الام"خل عنك هالكلام اللي ماله داعي وانزل سلم على خالتك"
نايف "حاضر لازم أطيعك يا صاحبة السمو"
الأم"لا تنسى صواني الحلا طيب نزلها"
وينزلون من السيارة ويوصلون عند الباب وتدق أم نايف و نايف شايل الصواني ويقول
"خالتي هدى ليه ما تحط ذاك الزر اللي يخليهم يفتحون من داخل البيت بدل مل يطلعون برا كل شوي"
الأم"اسكت ترى خالتك لو سمعتك بتعصب عليك"
نايف"خلاص سكتنا"
تروح سعاد عشان تفتح الباب فتقول
سعاد"مين عند الباب؟؟"
نايف"أه على هالصوت"
الأم "إنا خالتك ساميه افتحي"
سعاد "هلا والله بخالتي ساميه"
وتفتح الباب وبس تدخل خالتها تقول
"سعاد هذا نايف ورأي بيحط صواني الحلا عند الباب بعدين خذيه ودخليها على الحريم طيب"
سعاد"حاضر يا خالتي ما طلبتي شي"
تدخل ساميه البيت وسعاد واقفة وراى الباب فيقول نايف
"كيف حالك يا سعاد؟؟"
سعاد وحي حاطه يدها على قلبها"حمد الله وأنت وش أخبارك؟؟"
نايف"بخير دام أنتي بخير"
تضحك سعاد ويسمعها نايف ويقول
"جعل الضحكة ما تفارق شفاك"
سعاد"مع السلامة انا مضطرة ادخل داخل عشان الحريم باي"
نايف"مع السلامة والله يحميك من كل شر وخليك لي يا رب"
تقفل سعاد وتدخل البيت وهي بتموت من الفرحه وبس تدخل تقول لها امها
"وين كنت فيه؟؟"
سعاد"اجيب صواني الحلا خالتي ساميه جابتها"
ام سعاد"كل ذا تجيبين صواني الحلا؟؟"
سعاد"والله أنا .."
ساميه"وش فيك يا هدى على البنت أنا قلت لها تجيب الصواني بعدين أنا جايبه أكثر من صنيه عشان كذا بعد عمري راحت وجت اكثر من مره بس "
ام سعاد"طيب خلاص فهمنا الحين حضري السفره بسرعة عشان ندخل الضيوف"
ساميه"لا خلي سعاد تروح تذاكر وانا و هيا أختي بنحضر"
ام سعاد"طيب بسرعة تكفين يا ساميه والله تأخرنا "
ساميه "طيب..وينك يا هيا تعالي ساعديني في تحضير السفرة"
وتلتفت ساميه على سعاد وتسحبها إلى عند الدرج وتقول
"سامحيني يا بنتي نايف أكيد عطلك صح"
سعاد"لا يا خاله أصلا هو راح بسرعة بعد ما حط الصواني"
ساميه"الله يطمن قلبك مثل ما طمنتي قلبي"
تضحك سعاد و قبل ما تطلع تقول
"خالتي تكفين ادعي لي اختبار بكره مره صعب"
ساميه"بالتوفيق يا رب"
تطلع سعاد غرفتها وتسكر الباب على نفسها وتبدأ تذاكر
ويدخل نايف البيت مستانس وكأنه يطير فوق السماء ما يمشي على الأرض وجلس يغني ويقول
" عمرك سمعت بطيرويحب سجانه
من شافك انت نسى وش تعني جنحانه
انا تراني طيرك اللي يحبك موت
لو حب قلبي غيرك بدعي عليه يموت
في قربك انت نسى انه ياعمري طير
ماتشدعينه السما ولا يريد يطير"
وجلس يدور بالبيت ووصل عند غرفة نوره وقال
"افتحي وانا اخوك الباب"
نوره"لا ما ابي افتح كيفي"
نايف"افتحي الباب بقولك شي"
نوره"قلت لا يعني لا وخلني اذاكر لو سمحت"
نايف"والله ما راح اضربك بس افتحي"
نوره"نايف تراك حلفت بالله"
نايف"بسرعه والا ما راح اقولك شي"
نوره"ليه أحسك كذاب"
نايف"نوره خلاص شكلك ما تبن الحلويات اللي جبتها لك"
نوره"وشو حلويات خلاص طيب بفتح لك بس انتظر"
وتفتح نوره الباب وتناظر في يد اخوها نايف وما تلاقيه شايل في ايده أي شي وتبي تسكر الباب بس هو حط يده ودفها وطاحت بالأرض وقامت وقالت
"انت حلفت ما تضربني صح"
نايف "صح بس أبي منك خدمة وراح اعتبرها خدمة العمر ولو سويتيها اجيب لك اللي تبغينه ها وش قلتي؟؟"
نوره"هذا تأثير سحر سعاد صح"
نايف"إيه والله أنها سحرتني"
نوره"طيب وش تبي مني؟؟"
نايف"أبيك تكلمينها وتسألينها وش رأيها فيني اليوم؟؟"
نوره "ما طلبت شي يا اخو نوره بس أبي منك تجيب الحلويات وإذا جبتها إنا بدق على سعاد وإذا ما جبتها ما راح أدق اتفقنا"

نايف"هب ريح واللي تبينيه يجيك "
نوره"نايف كم بقي على اذان المغرب؟؟"
نايف"ليش بقي تقريبا 10 دقايق"
نوره"تدري لو اذن المغرب والحلويات ما جت أحلم ادق على سعاد"
نايف"هذا تهديد يا نوره"
نوره"الوقت يداهمك بسرعة"
نايف"طيب دقي عليها على بال"
نوره"هذا أنا بأدق عليها من البيت بس أنت أسرع"
وتروح نوره عند التليفون ودق على سعاد و نايف يروح السبر ماركت اللي جنب بيتهم وبس يوصل إلى يلاقي راعي السبر ماركت بيقفل يصرخ ويقول
"تكفى يا عم نوح افتح بس اشتري شوي حلويات لنوره أختي عشان تعرف تذاكر لاختبارها"
العم نوح"بس قرب يأذن يا ولدي"
نايف"طلبتك طلبه يا عم أنك تفتح بس شوي"
العم نوح"طيب يا نايف بس عجل"
نايف وهو يسلم على خد العم نوح"تسلم يا أحلى عم"
ويشتري نايف الحلويات وفي هذا الوقت ردت سعاد على نوره
نوره"كيف حالك يا سعاد؟؟"
سعاد"حمد الله تمام وأنتي كيفك"
نوره"بخير بس نايف صجني"
سعاد"ليه والله انه مثل الملاك ما يؤذي أحد"
نوره" يا الله الحين من يطلعنا من وجع الرأس هذا كل واحد فيكم بيقعد يمدح الثاني"
سعاد"وش قصدك"
نوره"هو جاني وقال دقي على سعاد وشوفي وش بتقول عني "
سعاد جلست تضحك ودخل نايف على نوره وقال
"ها وش قالت؟؟"
نوره"خلني أشوف أغراضي أول"
نايف "خذي بس بسرعة قولي وش قالت والله قلبي ما عاد يتحمل بسرعة"
سعاد"نوير قولي له أني من يوم ما سمعت صوته وأنا حتى مذاكرتي ما قدرت أذاكرها"
وقامت نوره قالت لنايف ورد نايف
"قولي لها أنها ساحرتي وأنا طول وقتي.."
تقاطعه نوره وتقول
"لا والله عطيتكم وجه خلاص نايف خل البنت تعرف تذاكر وأنتي خلي اخوي يروح من عندي ترى إذا قعدتي تقولين له هذا الكلام عز الله نشب عندي بالصالة ولا عاد راح"
نايف" وأنتي وش عليك منا "
نوره"أقول اطلع بره ورأي أدب أذاكره"
نايف"عرفوا انك مو مؤدب قالوا خلونا ندرسها أدب"
وجاس يضحك هو وسعاد وقالت نوره
"لا صراحة خفيفين دم "وطالعت بنايف وقالت"اطلع أبي أقولها كلام خاص"
نايف"لا وش تبين تقولين"
نوره"أشياء خاصة بالحريم ممكن تروح وألا أقولك أنا بأخذ التليفون وأروح غرفتي ابرك لي"
تأخذ نوره التلفون وتدخل غرفتها وتقول لسعاد
"ايوه يا سعاد"
سعاد"اسمعي وشو اللي تبين تقولينه؟؟"
نوره"ولا شي بس عشان افتك من نايف اللصقه"
سعاد تضحك وتقول "حرام عليك ..على طاري كيف المذاكرة؟؟"
نوره"والله زفت وأنتي؟"
سعاد" حتى أنا مالي خلق أذاكر"
نوره "لازم نشد حلينا وألا أهلينا يقلبون الدنيا علينا "
سعاد"وأنتي الصادقة وحتى عشان نحط انف رانية بالأرض ونثبت لها أننا مو هينات وإذا بغينا نجيبها"
نوره"تدرين بعد تفكير أحس أننا تورطنا وكان المفروض ما نتحداها "
سعاد"إيه لا تذكريني بس لازم نكون قد التحدي صح"
نوره "ايوه أحنا قد التحدي وراح نوريها"
سعاد "باي نتقابل بكره في المدرسة خلينا الحين نروح نذاكر"
نوره"مع السلامة"
وتقفل نوره التليفون وترجعه محله وترجع الغرفة وتقعد تذاكر ورجعوا أمها وأبوها في نفس الوقت وتسمع نوره صوتهم وتنزل تسلم على أبوها وأول ما تشوفه تحضنه بقوة ويقول أبوها
"كيف حال حياتي اليوم"
نوره"بخير يا روح وعمر نوره"
نايف"كيف حالك يا أبوي"
الأب"حمد الله كيف حالك أنت"
نايف" بخير"
نوره "تسوي نفسك رزة ترى ما يليق"
نايف"أقول أنتي اسكتي أزين لك"
الأب"ورآك على نوير يا نايف؟؟"
نايف"ولا شي بس هي تبي تنر فزني"
نوره"أصلا ما تقدر تسوي شي أبوي معاي صح"
الأب"نايف يا ولد..خذها لك بس لا تكسرها"
نوره"وشو نايف اخوي العزيز تبي كاس ليمون يهدي أعصابك"
نايف"لا ابي اشرب من دمك"
تركض نوره وتنخش وري ظهر أمها ويجلسون أبوها وأخوها يضحكون فتقول أمها
"يعني مسوين حزب رجال ضد المسكينة أنا في صفها وروني كيف بتا كلون وألا وشلون تعيشون من دونا"
الأب"نايف إلا نوير وأمها أنت سامع"
نايف"أصلا أنا ما كنت أبي أسوي شي كنت أبي أقول لامي ونوره تبون أساعدكم في شي"
نوره "خلينا نفكر وش رأيك يمه نسوى قرعه واللي تطلع عليه يغسل المواعين"
إلام"فكره مره روعه جيبي ورقة وقلم"
الأب"وين العشاء وخلونا من هالا لعاب "
نايف"وهو الصادق يمه"
ويضحكون وتروح نوره مع أمها تحضر العشاء ويتعشون سوا وتجي نوره بتشيل الصحون تقول أمها
"خليها يا نوره الحين تجي مارلين تنظف أنتي روحي عشان تنامين بدري واصحيك عشان تراجعين "
نوره "حاضر يمه..تصبحون على خير"
وتطلع نوره وتنام ويدق جوال نايف ويرد
"مين وشو جاسم وشلون متى وصلت المطار اها خلك أنا جايك"

ويناظر نايف في أمه وتقول أمه
"سعد حياتي"
يقول سعد"ها وش تبين يا عيون سعد"
ساميه"صديق نايف جاء على السعودية من الإمارات وما يعرف احد هنا غير نايف وش رأيك"
سعد"رأي في وشو بالضبط"
نايف"يبه على بلاطه أنا أبي استضيف جاسم عندي في البيت إذا ما عندك مانع"
سعد"تبي تستضيفه وأنت إلى الحين ما حركت...روح وأنا أبوك وجيب ضيفك ومالك إلا اللي يبيض الوجه"
نايف"تسلم يا يبه والله انك أعظم أب"
ويسلم نايف على راس أبوه ويقول أبوه
"رح جيب الرجل الحين تلقاه ميت من الحر عجل عليه"
نايف"طيب سلام"
ساميه"يا ولدي إذا ضيفك ما تعشى كلمني عشان أسوي لك أحلى عشا"
نايف"كثر الله خيرك يا يمه مع السلامة"
سعد"في رعاية الله"
ويروح نايف عشان يقابل جاسم في المطار وبس يوصل يدق على جاسم بس جاسم ما يرد فقلق نايف وجلس يدور عليه لقاه مفسخ جكيته وجالس والجوال بجنبه فراح نايف عنده وقال
"لو سمحت تعرف واحد اسمه جاسم يشبهك بس على اشين شوي"
يرفع جاسم رأسه ويضحك ويقول
"تصدق لا بس مر علي مخبول يشبهك وتراه يسألني نفس السؤال ثلاث مرات"
وجلسوا يضحكون وضموا بعض واخذ نايف جاسم لبيتهم

انتظر ردكم:love-struck::love-struck:
رد مع اقتباس
إضافة رد

مواقع النشر (المفضلة)

الكلمات الدليلية (Tags)
لاني, لكم, مالقيت, مثلكم, رجعت



جديد مواضيع قسم شعر
 
أدوات الموضوع
انواع عرض الموضوع


رجعت لكم لاني مالقيت مثلكم


المواضيع المتشابهه
الموضوع كاتب الموضوع المنتدى مشاركات آخر مشاركة
سؤال مالقيت له جواب رسالتي منتدى الصحة والغذاء 1 2012-02-17 02:40 PM



الساعة الآن 06:51 AM


Powered by vBulletin Copyright ©2000 - 2014