تعالي اقولج اشتشترين وين تروحين بلندن اتحدى إذا احد قاللج قبلي

حبيباتي كثير أقرا اسئله وين تروحون وشتشترون بلندن والاجوبه متشابهه أنا عشت بلندن وعارفتها شبر شبر يازينها وحبيت افيكم باللي ماتعرفونه ولااسمع احد يجيب طاريه أول شي argos يازينه

إضافة رد
 
LinkBack أدوات الموضوع انواع عرض الموضوع
  #1 (permalink)  
قديم 2012-03-22, 05:58 AM
الصورة الرمزية المذهله

 
تاريخ التسجيل: Feb 2012
المشاركات: 3,452
المذهله is on a distinguished road
افتراضي تعالي اقولج اشتشترين وين تروحين بلندن اتحدى إذا احد قاللج قبلي


حبيباتي كثير أقرا اسئله وين تروحون وشتشترون بلندن والاجوبه متشابهه
أنا عشت بلندن وعارفتها شبر شبر يازينها وحبيت افيكم باللي ماتعرفونه ولااسمع احد يجيب طاريه

أول شي argos يازينه ذا المحل تبين ستريترز لشعرك ويفي لوتبين تاخذين لزوجك اوخوانك عدة حلاقة اوتبين آله حف الوجه وكل شي للبيت مريهم المحل باجوررود وخذي الكتلوج وتفرجي وخذي اللي تبين وهذا موقعهم





2-شيبردبوش وماأدراك ماشيبردبوش سنة كامله وأنا اروحله وأقول وع هذا وشعليه ماخذ هالصيت والله ماكنت اشتري منه شي واتقرف منه
وبقدرة قادر طحت على كم محل إنما ايه اول شي بالكوشكات اللي بالوسط تقريبا بالنص فيه واحد باكستاني يتكلم عربي يبيع ستيانات ومشدات وشلاح لندن طبعا ماركة تريمفيت اللي تنباع بدبنهامز وهاوس فريزر بنص السعر

وفيه محلين حق كفرات أسرة واحد يقولون انه يهودي بأول السوق عنده كفرات تتجنن بس لاتنسون المكاسر اللي بستين تاخذينه باربعين
وفيه واحد ثاني سوداني عنده كفرات حلوه واسعاره ارخص
وإذا طلعتي برا السوق من جهة الويست فيلد بتلقين جرجس يازينه حق البلعه طبعا خفايف سندويتشات وبف باستري بس لذيييييييييييييذ اتعب وانا اقول لذيذه وهذا موقعه
http://www.greggs.co.uk/

وبنفس الشارع مطعم ابوزاد اكله لذيذ وارخص مطعم عربي بلندن وموجود له فرع باجوررود

وإذا رحتي ويست فيلد فيه ارخص محل عطور بلندن وعندهم مكياج بعد وهذا اسمه وموقعه
http://www.beautybase.com/
وتلقين عنده جميع العطور المنقرضه من السوق


الحين نطلع برا لندن شوي
ويندسور يازين ذا المكان من وسط لندن بالقطار نص ساعه بس المكان يجنن راقي عراقه وتاريخ وكفيات وسووق بتصميم خيالي والاحلى كله أجانب على كثر مارحت له مافيه خليجين

ولاتنسون تروحون مدينة سري من وسط لندن بالقطار45دقيقه بس مدينه رائعه طبعا تضاريسها ريفيه وأغنياء الخليج يملكون فيها بيوت طبعا تحسين انك بمكان مميز غير عن لندن وفيها أكثر من سوق جنب بعض


وصار لي موقف فيها قبلها باسبوع كنت في هاوس فريزر اللي بوست فيلد وعجبتني شنطة جفينشي سعرها1050 باوند شاورت نفسي عليها وخليتها قلت بعدين ارجع لها لما رحت سري دخلت هاوس فريزر ولقيت نفس الشنطه بس الصدمه السعر لقيتها ب900بس شفتو الفرق معروفه لندن أغلى من المدن الثانيه


وبعد برا لندن فيه آوت لت سويندن الخليجين مايرحون له مادري ليش فيه محلات حلوة بس بستر فلج أحلى ماركاته أكبر واللي تبي ماركات أقل تروح سويندن
هذاموقعهم شوفي الماركات اللي فيه
http://www.swindondesigneroutlet.com/

وتذكرت مدمنات مكياج ماك في محل عطورات بآوت لت بستر فلج يبيع الكولكشنات الليمتد اللي انتهى وقت عرضها بمحلات ماك وانتي وحظك واكثر شي الشدوات

وإذا تذكرت شي بقوله
تراني تعبت بكتابة الموضوع بس لعيونكم يهون مابي منك الادعوة الله يشفي أمي وأبوي ويسخرلي زوجي

المصدر منتديات قلب - قسم سياحه

رد مع اقتباس
إضافة رد

مواقع النشر (المفضلة)

الكلمات الدليلية (Tags)
هذا, وين, اتحدى, احد, اشتشترين, اقولج, بلندن, تروحين, تعالي, قاللج, قبلي



جديد مواضيع قسم سياحه
 
أدوات الموضوع
انواع عرض الموضوع

تعالي اقولج اشتشترين وين تروحين بلندن اتحدى إذا احد قاللج قبلي


RSS RSS 2.0 XML MAP HTML


الساعة الآن 07:16 PM


Powered by vBulletin Copyright ©2000 - 2014

Security team


Search Engine Optimization by vBSEO 3.6.0