قصص معبرة 2014 ، قصه الهاتف ، قصه الهاتف وشريحه الموبايل

اهلا بكم فى منتديات قلب ويقدم لكم قصص تستحق القراءة 2014 ، قصه خط الموبايل ، اروع مفاجاة خط الموبايل وان شاء الله تعجبكم

إضافة رد
 
LinkBack أدوات الموضوع انواع عرض الموضوع
  #1 (permalink)  
قديم 2014-05-08, 11:18 AM
الصورة الرمزية ريماس
مشرفة

 
تاريخ التسجيل: May 2013
المشاركات: 6,550
ريماس is on a distinguished road
افتراضي قصص معبرة 2014 ، قصه الهاتف ، قصه الهاتف وشريحه الموبايل



اهلا بكم فى منتديات قلب ويقدم لكم قصص تستحق القراءة 2014 ، قصه خط الموبايل ، اروع مفاجاة خط الموبايل وان شاء الله تعجبكم





قصص معبرة 2014 ، قصه الهاتف ، قصه الهاتف وشريحه الموبايل img_1399537105_415.j




من يومين كده اشتريت خط موبايل جديد .. و بمجرد ما حطيت الشريحة في التليفون لقيت ك...مية كبيرة من الرسائل القصيرة بتوصل ورا بعضها ..


رسايل كتير قوي ..

استغربت من مين تكون كل الرسايل دي إذا كانت الشريحة لسه جديدة و مدتش رقمي لحد !! ..

لاحظت إن الرسايل جايه كلها من رقم معين وبتواريخ متقاربة و مضمونها واحد : و هو إن فيه واحده بتترجى (مصطفى ميكونش زعلان منها) و (إنه يرجع لها) و (إنه يرد عالموبيل ويبطل تطنيش) ..


استنتجت إن الخط ده كان بتاع واحد اسمه (مصطفى) و إن اللي بتبعت الرسايل دي ربما تكون خطيبته اللي سابها أو أمه اللي طفشان منها وإنها – الرسايل يعني – وصلت دفعة واحدة أول ما الخط اتفعّل من تاني ..

و عموماً – صاحبنا لسه بيحكي - قلت أعمل ديليت للرسايل دي كلها لأنها شاغلة مساحة عالفاضي وطبعاً ملهاش أي فايدة بالنسبة لي ..

لكن و أنا بعمل ديليت لقيت نمرة بتتصل .. هي نفس النمرة اللي باعته الرسايل .. قلت أرد عشان أوضح حقيقة الالتباس وأنهي الموضوع ..

رديت ..

و بمجرد ما قلت (آلو) لقيت واحده ست بتصرخ صراخ هستيري كأنها ما صدقت إنه فيه حد رد : (يا مصصطفففى تعاااالى بقى) ...

( يا مصصصطططففي واحشني قوي) ..

اتخضيت من الموقف وقلبي اتقبض .. حاولت أفهّم الست إني مش (مصطفى) اللي عايزاه وإني لسه شاري الرقم ده ولكن صوتي وكلامي ضاع وسط توسلاتها وإصرارها إني "مصطفى" ..


قفلت السكة بعد ما عجزت إني أتفاهم معاها .. وبطلت أرد عالنمرة دي تماماً لأني في كل مرة برد كان نفس الموال بيتكرر ..

و لما زادت الاتصالات والرسايل قررت أغير الشريحه ..

و قبل ما أشيل الشريحة من التليفون بثواني – وكالمتوقع - لقيت نفس النمرة بتتصل بنفس الإصرار ..

كان ممكن أشيل الشريحة واخلص و يبقى الموضوع اتقفل ..

فضلت أبص على الرقم لفترة و قررت إني أرد ..


قلت هرد على الست دي لآخر مرة ، آخر مرة بس ، و في المرة دي قلت هبذل مجهود أكبر عشان أحاول أفهمها إن الرقم ده خلاص مبقاش بتاع مصطفى اللي بتدور عليه ..


كنت عايز أعمل كده عشان أريح أعصابها وعشان اللي هيشتري الرقم ده من بعدي ميقعش في نفس المشكله الغريبة دي ..

رديت ..

وكنت متوقع سيل من الصراخ والعويل كالعادة ..

ولكن المرة دي سمعت صوت تاني ..

صوت بنت عمرها في حدود 15 أو 16 سنه ..

قالت لي الكلام ده بالحرف :


" انا بعتذر لحضرتك بالنيابة عن أمي . . الرقم اللي معاك ده كان بتاع اخويا (مصطفى فتحي محمود) .. استشهد في أحداث 28 يناير .. و ماما بقالها 10 شهور مش مستوعبة إنه مات وبتتصل على موبايله يمكن يرد .. وجت فيك انت .. احنا آسفين .." ..

وقفلت السكة واتأكدت ان فى ناس بتموت كل يوم عشان عيالهم اللى ماتوا عشان خاطر مصر


قصص تستحق القراءة 2014 ، قصه خط الموبايل ، اروع مفاجاة خط الموبايل

__________________
رد مع اقتباس
إضافة رد

مواقع النشر (المفضلة)

الكلمات الدليلية (Tags)
2014, معبرة, وشريحه, الموبايل, الهاتف, قصه, قصص, ،



جديد مواضيع قسم قصص 2014 - روايات قلب - روايات طويله - قصص طويله وقصيرة - قصص واقعية - Stories
 
أدوات الموضوع
انواع عرض الموضوع

قصص معبرة 2014 ، قصه الهاتف ، قصه الهاتف وشريحه الموبايل


المواضيع المتشابهه
الموضوع كاتب الموضوع المنتدى مشاركات آخر مشاركة
صور ثلوج مصر 2014 - صور تساقط الثلج في مصر 2014 - صور الثلوج في محافظات مصر 2014 كل الحنان فيها منتدى السياحة والسفر والرحلات 0 2014-04-29 10:22 PM
اروع خلفيات عشق وغرام 2014 - اجمل صور حب مكتوب عليها كلام في الحب 2014 غفوه مشاعر صور 2014 - صور قلب حب رومانسية - صور بنات شباب - صور طبيعيه - photo - image - صور 2014 0 2014-03-14 07:31 AM
احدث و اروع صور سيارات 2014 غفوه مشاعر سيارات 2014 - موديلات سيارات 2014 - صور سيارات 2014 1 2014-02-27 02:52 PM
افضل صور صباح الخير 2014 , good , morning غفوه مشاعر صور 2014 - صور قلب حب رومانسية - صور بنات شباب - صور طبيعيه - photo - image - صور 2014 0 2014-01-18 11:15 AM
صور حب 2014 , خلفيات حب 2014 , اجمل صور لحب 2014 , صور حب جامده 2014 غفوه مشاعر صور 2014 - صور قلب حب رومانسية - صور بنات شباب - صور طبيعيه - photo - image - صور 2014 0 2014-01-11 04:55 PM

RSS RSS 2.0 XML MAP HTML


الساعة الآن 09:41 PM


Powered by vBulletin Copyright ©2000 - 2014

Security team


Search Engine Optimization by vBSEO 3.6.0