إضافة رد
 
أدوات الموضوع انواع عرض الموضوع
  #1  
قديم 2012-02-13, 01:51 AM
| مجرد زائر  مجرد زائر غير متواجد حالياً

 
تاريخ التسجيل: Feb 2012
المشاركات: 1,103
مجرد زائر is on a distinguished road
إرسال رسالة عبر ICQ إلى مجرد زائر
افتراضي قْصٌـهـّ عًـ ج ـيبـٍُه وآبتدـتّ فـّي يٍومـٓين

قْصٌـهـّ عًـ ج ـيبـٍُه وآبتدـتّ فـّي يٍومـٓين
( القصه واقعيه ولكن بعض الاحداث من عندي لتزيد للروايه آثاره )

ابطال هالقصه راح أعرفكم فيهم اكثر من خلال الاحداث

شيخه من عائله متوسطه الحال والإمكانيات الماديه وهي البنت *الثالثه من اربع بنات*
شجون25 وهي متزوجه*
شروق20بالجامعه
شيخه17
شمس14متوسط
عبد العزيز 13 متوسط*
ام عبدالعزيز وأبو عبد العزيز*
دائماً بهواش دوم

البارت الاول
ابو عبدالعزيزمعصب( انا قلت لا يعني لا وسكتي بنتج وقولي لها تحمد ربها اني اوديها الجامعه والا ترا والله احرمها منها)
ام عبد العزيز(ياولد الحلال شروق بنتك تبي سياره عشان ما تعبك بالروحه والجيه وبس)
ابو عبد العزيز( انا ماشكيت الحال وبس خلاص انتهى النقاش)
ام عبد العزيز( شمعنه سويره بنت أخوك عندها سياره وهي اصغر من شروق هاا)
ابو عبد العزيز( وانتي ليش تطالعين الناس احمدي ربج واشكريه يامره)
ام عبد العزيز( انا ابي سياره لبنتي وكيفك تصرف)
ابو عبدالعزيز( وانا من وين أجيب فلوس)
ام عبد العزيز( وانت شنو كله ما عندك فلوس متى يصير عندك يعني)
ابو عبد العزيز( بعد ما عندي شسوي نزل معاشي هالشهر وكله راح للديون)
ام عبد العزيز( الله يرحمج يايمه قلتي لـي لا تاخذينه هالحافي المنتف بس شسوي انا حماره ماسمعت كلامج /*
وطلعت وخلت ابو عبد العزيز متضايق )

بالصاله
شروق( اووووه ياربي تعالو شوفو بنات الجامعه اخييييه *)
شمس( واااي شنو هذا تعالي شوفي رفيجاتي بالمدرسة بي بي وايفون وتعالي شوفي الصور الطلعات والسفرات مالت علي*
ام عبد العزيز( والله انا المسجينه اللي ضيعت 30 سنه مع أبوكم )
شيخه ( مؤ صج احمدوا ربكم وأشكروه ع اللي انتم فيه ترا في ناس مؤ لاقيه اكل تأكل بعدين يمه شالكلام هذا تراه أبوي وريلج مايوز هالكلام عيب)
ام عبد العزيز( وانتي الحين يالنتفه تبين تعلميني العيب)
شيخه( العفو يمه بس انا قصدي...)
قاطعتها ام عبدالعزيز ( انتي جب ولا كلمه )
شيخه خلتهم وراحت للغرفة لانه تدري انه ماراح يفهمون



شمس وشروق وشيخه بغرفه وحده وكانت بالغرفه دريشه وكانت تطل ع صاله جيرانهم*
فتحت شيخه الدريشه وقعدت تفكر بأبوها اللي كاسر خاطرها يركض ليل ونهار ومحد مريحه
سمعت صوت ببيت جيرانهم
نايف (هههههههههههه حبيبتي انتي)*
شيخه تسولف بقلبها ( وي هذا صوت نايف يسولف مع منو)
نايف( احححححححبج وايد يا أغلى البشر)
شيخه( ويع طلع لعيب وانا اقول شحليله)
نايف( يوه يمه يلا عاد تكفين طلعي باخذج واعشيج واونسج وا اوديج البحر يمه تكفين
شيخه( وي خنت حيلي ظلمته طلع يسولف مع امه الله يرزقني بس الريال للي يقولي امشي نطلع وأكون سابقته)


اخو عبد العزيز
ابو سعد طبعا هو عكس اخوه غني جداً وعنده عقارات وبيوت وفلل وشركات
وعنده بنتين وثلاث شباب
ساره 19 بالجامعه
غدير17 وهي صديقه شيخه
سعد28 يشتغل مع أبوه وهو متزوج شجون
سعود 25عاطل باطل هايت
غازي 23 يدرس بأمريكا طب*

ام فيصل*
هي أخت ابو سعد وأبو عبد العزيز
وزوجها متوفي وترك لها خير ونعمه*
وعندها 3بنات و4شباب
فطوم34 مؤ متزوجه وقاعده عند أمها*
هند17 مع شيخه وغدير
ريم20 قاعده مع امها
فيصل 29متزوج من اسماء وعندهم غلا وعادل توأم 5 سنين
فهد27 رفيج سعود يعني هايت باطل
راشد28 عنده مكتب محاماة وماهو متزوج
عبدالله26 ضابط ومو متزوج




عبدالعزيز( شيخه سوي لـي ايميل)
شيخه ( هههههههههههههه توك 13سنين وايميل عيل 19 شبتسوي)
عبدالعزيز( الرجال بعقله ياكمخه مؤ بعمره)
شيخه ( كح كح الصراحه أقنعتني ولا سكتني بعد)
عبدالعزيز( الحين تسوين والا شلون)
شيخه ( سو لنفسك)
عبدالعزيز( كل ما اسوي يقولي غلط وما ادري شنو )
شيخه( خلاص ابشر اليوم اسويه لك)
عبد العزيز( يابعد حيي وبالمناسبه السعيدة هذه بعطيج بوسه)
شيخه( ويع شسوي فيها)
عبد العزيز( خخخخخخخ ايه زين اصلن انا كنت احاتي شلون اعطيج اياها)
شيخه( يلا جب يابختك اصلن)
عبد العزيز( يازينج وانتي ساكته)


*نايف كان قاعد بالحديقة تبع بيتهم وكان يدرس مع ربعه*
عايله بؤ منصور
منصور25متزوج
نايف18 ثانوي*
هاجر16 مع شيخه*


نايف ( هههههههههههههههه يالدلخ واقسم بالله انك غبي ياخي انت من شنو مصنوع)
نواف صديقه( اقول جب cat يعني كت كات بس الاختصار انت شفيك ما تفهم )
احمد صديقهم( لا مؤ كت كات كت كاو خخخخخخ)
نايف يرفع ايده( ياربي انا شسويت بدنياي)
نواف ( خلاص خلاص اشرح يلاا )
نايف ( شوف يا انك تتعدل والا أشوتك شوته ياسر القحطاني يعتزل منها)
احمد(هههههههههههه اخسسس يا ميسي)
نايف( احم احم لو سمحت رونالدو)
نواف( ايه بخصوص الشامبو اللي مسويله دعايه ترا عرفنا انك نظيف وتتسبح هههههههههههاي كفك أحمدوو )
نايف( عدال يا الكنتاكي ناقصين كروش لأنكم هاا)
نواف( ه ه ه ه ه ما تضحك )
احمد( اقول ارجعوا لياسر احسن هههههههه)
نايف( لا حول حول للمصري)
احمد( اقول اشششش اسكت واللهـ يجون يكفخونك ميه تكفيخه تراني مالي شغل فيك)
نايف( آفا تخليت عني وينك يانواف تعال اسمع)
نواف( آفا بس يا احمد وهذا واحنا معتبرينك ريال...)
قاطعه احمد( لا انا انقلبت دينار هههههههههههههه)
نواف يحط ايده ع جتف نايف(هههههههههه لا تخاف يا اخوي لا صار ماصار واذا جوا يكفخونك فأعلم وتأكد بأني بوقف معاك وقفه النشمي)
نايف( خشمك بالحبيب انا اشهد انك ذيب)
نواف( تدري شنو راح اسوي بأخذ ألبي بي حقك وبوكك واخشه عشان لا يجيله طشار وبقعد اصورك بفوني والله لافضحك ههههههههه)
نايف( اقول انتم محششي براااا)
احمد( خخخخخخخخخخخ وانا اقول شفيه نواف صار بطل اثاريها نكته )
نواف( من صجك أوقف معاه ياخي نفسي نفسي )
احمد( امش بس امش وخل الدافور يذاكر )
نواف( ايه يالله سرينا)



شجون( بس يا سعد صارلنا 4 سنين ولا حملت ولا جبت ياهل لك)
سعد( حبيبتي إحنا تكلمنا بالموضوع هذا انا مؤ مستعجل وهذه حكمه ربج تبين تعترضين عليها)
شجون( ونعم بالله بس انا الناس كلوا قلبي ليش ما حملتي من منو العيب ليش سعد ما عنده ولد يشيل اسمه....الخ وانت...)
سعد يحط اصبعه ع فم شجون يسكتها( اششششش انا ما ابي ياهل الحين انا أبيج انتي وبس بعدين هالموضوع بدا يضايقني وانا ما ابي أزعل منج)
شجون( انزين خلنا نروح نشوف العيب مني او منك)
سعد بدا ع فيسه انه تضايق وقام ( انا بطلع باي)
قامت بسرعه شجون واحضنت سعد من ورا( خلاص اسفه ما ابي شي اهم شي انك معاي )
سعد لف عليها وحضنها
؟وجب ماله داعي اكمل عيب ؟




فطوم وهي تبجي ( يمه ليش بس انا ليش)
ام فيصل تحضن بنتها( هذه حكمت ربج يا بنيتي)
فطوم( اهئ اهئ يمه غزل رفيجتي اصغر مني وتزوجت يمهـ انا ما احسدها بس انا ليش محد خطبني لييش يمه لييش)
ام فيصل( لانج حلوه والناس ماتبي الحلوين لعيالهم ولانج كامله وطيبه والناس تبي اللي لسانها يلوط اذانها)
فطوم( لا يمهـ انا فيني بلا وعله )
ام فيصل ( بزعل منج فطيم بعدين ربج حكيم وهو أدرى بمصلحتج يلا غمضي عيونج ونامي)
فطوم وهي تشاهق( ونعم بالله ونعم بالله)


بعد 4 ايام
كانت شيخه قاعده ع الكمبيوتر ( تذكروا انهم متوسطين الحاله الماديه)
فمن الطفش فتحت ايميل اخوها عزوز وشافت انه ضايف نايف ولد جيرانهم*
فقالت خلني اكلمه*
شيخه( كح كح)
نايف( حلو)
شيخه( حلت دنياك)
نايف( منو معاي)
شيخه ( انا عزوز)
نايف( فيس رافع حاجبه عيل اللي عندي منو. جني عززوز)
شيخه هني اخترعت وسكرت الايميل والكمبيوتر وراحت للغرفه ونامت

ثاني يوم لبست شيخه برمودا اسود وقميص رمادي وافتحت شعرها الاسود *اللي ع طول ظهرها وقعدت ترقص بالغرفه وفاتحه الدريشه وترقص مصري وهز ورز وهز*
التفت وراها والا تلقى احد كان يراقبها*
هني شيخه اخترعت ( يوووه منو هذا اكيد أبوهم. أوف فشله خليني اروح اشبك وايد احسن)
شبكت شيخه بايميل اخوها ولقت نايف طنشت بس هو كلمها
نايف( كح كح)
شيخه ...... ماردت عليه
نايف( ليش غايبه اليوم)
شيخه انصدمت امبيه شدراه(انا عزوز)
نايف( يالجذابه انتي أخته شفت اليوم ابوج يوصل خواتج واخوج بس انتي مؤ معاهم ليه)
شيخه( ههههههههه ياحليلك مراقبنا)
نايف( لا بس فقدتج)
شيخه يمهـ قلبي ( ما تفقد غالي بس انا تعبانه عشان جي غبت)
نايف ( هههههههههه انتي ليش تجذبين وايد عيل تعبانه وقاعده تهزين توج)
شيخه شهقت امبيه شافني( لا.... بس ...، شسمه ... احم،.. وانت ليش تطالع،... وانت ليش غايب هاا)
نايف(هههههههههههه والله اسف مؤ بقصدي بس شفتج صدفه ترقصين وما قدرت أشيل عيوني بس الصراحه مبدعه )
شيخه فيس احمر خلاص( انزين يلا باي )
وطلعت ع طول وهي مستأنسة وزعلانه*







بعد يومين كانت شيخه تكلم نايف بالمسن
نايف( شيخه سمعي)
شيخه ( هلا)
نايف( احبج)
شيخه حطت ايدها ع قلبها ( بيومين حبيتني يالعيار )*
نايف( لا انا كنت احبج من قبل انتي ماسألتي نفسج ليس اراقبج ليش دايم اسأل عنج طيب تدرين اني قاع احن ع هاجر تييكم البيت أبيها معاج تصير رفيجتج عشان تسهل المشوار علي تدرين اني اقعد بالدريشه وانطرج عشانج انتي )
شيخه كانت معجبه فيه بس كانت خايفه( بس نايف انا خايفه)
نايف(طلعي شوي من الدريشه)
راحت شيخه للدريشه
شافت نايف ماسك القران ويقول( انا جبتج عشان ابيج تشوفين والله واقسم بالله وبالقران هذا اني ماراح اضرج ولا راح اغصبج ع شي وبتكون علاقتنا بريئه وبكون لج وبتكونين لي)
شيخه استانست وتبسمت وهزت راسها
نايف بابتسامه عريضه ( يــــــــس وأخيرا فزت بقلبج ااححححححبج)

مروا شهرين وشيخه ونايف يكلمون بعض بشكل يومي وصارت بينهم سوالف ومواقف وكانوا يحبون بعض واعترفوا لبعض وكانوا يتواعدون ع الدريشه وأنواع الغزل والغرام وكان حبهم برئ*



اجتمعوا عايله بؤ عبد العزيز ع العشا
ام عبد العزيز( ابي فلوس بسافر مع اهلي)
ابو عبد العزيز( جم تبين)
ام عبدالعزيز( 10، الألف )
ابو عبد العزيز، بضحكه سخريه( هههههههههه انا لو عندي هالمبلغ جان سددت ديوني )
ام عبد العزيز عصبت ( انت مؤ ريال انت ما عيشتني ولا عيشت بناتك ياحيف ع رجولتك بس اذا كان عندك رجوله شوف اخوك شوف اختك شوف جيراننا بس انت انت ياحظي وين عايش انت بتم عايش بالفقر يا وجه الفقر ....... )
قاطعها طراق ابو عبدالعزيز اللي خله الكل منصدم*
شروق( يبه انت شلون تمد ايدك ع أمي هاا)
شمس( ياقاسي ياظالم)
شيخه( تعوذوا من الابليس ماصار شي)
ام عبد العزيز( انا مالي قعده بالبيت بروح أعيش عند اهلي معززه مكرمه لأنك مؤ ريال ما اتكل عليك)
ابو عبد العزيز ( روحي اني طاااااااالق طااااااااالق طااااااااااااااالق)
شيخه (. لاااا يبه لاااااااا)
ام عبد العزيز( وأخيرا حسيت ع دمك *يلا يا بنات امشوا معاي )وراحت تلم اغراضها *وراحت معاها شمس وشروق و عزوز
شيخه راحت لابوها وقعدته وجابت حبوبه الضغط( يبه حبيبي ريح نفسك انا بقعد عندك ولا تحاتي ترا ماكو شي بس انت ارتاح)
ابو عبد العزيز ساكت



مر أسبوعين ع سالفه بيت بؤ عبد العزيز وتمت شيخه بالبيت مع أبوها*


بالجامعه الاداب
ساره كانت قاعده مع واحد توها تعرفت عليه
حسين( طيب اوعديني)
ساره( بحاول حبيبي)
حسين نظام زعلان( يعني شنو مؤ وواثقه فيني)
ساره( حبيبي انا اشك بنفسي بس ما اشك فيك بس بليل صعبه)
حسين( خلاص الساعة 5 العصر زين وارجعج ع ال9 هاا شقلتي)
ساره( تيب إحنا وين بنروح)
حسين( وي حبيبتي مفاجأة ها شقلتي)
ساره( خلاص تيب موافقه يلا بروح للكلاس)
راحت ساره ودق حسين ع رفيجه
حسين( داوود جهز الشقه عندي لكم صيده دميييييره )*

مر الوقت

بغرفه شيخه عندها غدير وهند وكانت شيخه تعبانه
هند( بس مايصير جي لازم تداومين)
غدير( لا ما عليج خلج مع ابوج واذا ع الدروس الله يخلي المدرسين انا بجيب واييبج عندي وندرس)
هند( ياغبيه شفيج انتي بدال ما تريحين البنيه)
غدير( وانا صاجه راح تتعب اكثر اذا داومت )
شيخه بصوت مبحوح(انا مؤ كاسر ظهري وهاد حيلي غير أبوي حيل تعبان)
هند( ماعليه الا العافيه انتي لازم تصيرين قويه قدامه عشان لا يضعف)
غدير( مالت ع خواتج بس اللي راحوا وخلوكم)
شيخه( جب هم مالهم ذنب الله يسامح أمي)
غدير( ايه امج ليه لسانها طويل)
هند ( غدير جب شفيج عيب)
غدير( وانا صاجه أمها لسانها. طويل )
دخل عليهم ابو عبد العزيز قاموا وسلموا عليه
بؤ عبد العزيز( ها يبه سويتي عشا لضيوفنا)
شيخه وجهها حمر تذكرت انه انه المطبخ مصفر( هاا ايه الحين اسوي)
بؤ عبدالعزيز( انا بروح لبيت بؤ منصور اذا خلص العشا صوتي علي )
شيخه (ابشر)
راح الابو ونزلت شيخه راسها
شيخه( بنات )
غدير ( هااا(
هند(هلا)
شيخه متوتره( المطبخ مصفر وو......)
قاطعتها هند( اصلن انا قلت لامي تدز لنا العشا مع السائق الحين بدق عليها) وراحت عنهم
هند( الو يمهـ دزي لـي عشا بيد السائق بس كثريه وادا عندج ماجله هم دزبها.... وي بعد عمري فديتج ... ايي واقولج... تيب باي



تعشوا وخلصوا ورجع كل واحد بيته

بالشارع*
سعود(خخخخخخخخ واششششششطح)
فهد( ياولد شوي شوي لا تدخل بالسيارات)*
سعود( يابعدي خايف علي)
فهد( لا والله خايف ع السياره)
سعود( خخخخخخخ حلوه منك بس لا تعيدها )
فهد ( ياولد انتبه)
سعود( لحظه عندي bing (
فهد يصارخ والسيارة التفت عن المسار( سعووووووووو و و و وووووووود) وطراااااااااخ*




ريم بغرفتها*
ريم( يلا قوم بسك نوم شنو ماشبعت يوووه ترا بزعل عليك وماراح احاجيك *خلاص يلا روح لا تمسكني وخخر عني يوووه تراك اذيتني انزين اششش اسكت احد جا اووووف اسكت*
خلاص دش تحت السرير )
هند( ريوم نزلي قعدي معانا تحت )
ريم ( لا ما ابي )
هند( ليش قاعده بروحج يلا )
ريم( مؤ قاعده بروحي خلاص روحي انا مشغوله )
هند( قاعده مع منو عيل)
ريم انحرجت ونزلت راسها( يوه خلاص هنود روحي تراه بيزعل)
هند حطت ايدها ع راسها وقربت من ريم( انتي شفيج.،!؟ تكلمي عدل،!؟)
ريم( يووه روحي شفيج وحده بتقعد مع ريلها روحي)
هند خافت( اي ريل.،!؟)



شيخه تدق ع نايف مايرد( أوووف شفيه هذا ليش مايرد ياربي اخاف فيه شي يوووه)
بوعبدالعزيز( ها يبه شفيج)
شيخه ارتبكت( لا هاا مافي شي بس أدق ع رفيجتي وماترد )
بؤ عبدالعزيز( اكيد مشغوله او نايمه خلاص انتي روحي نامي وانا بروح أنام )
شيخه باست راس أبوها ( تصبح ع خير)
راحت شيخه الغرفة ودقت ع هاجر أخت نايف
هاجر بصوت ناعس ( هممم الو)
شيخه( وي امبيه سوري نايمه .،!؟)
هاجر( لا عاتي. امري في شي)
شيخه( لا بس بسأل عنج شلونج شخبارج.،!؟)
هاجر ( لا مافيني شي زينه)
شيخه تبلعمت( وشلون أهلج.،!)
هاجر (كلنا بخير حبي)
شيخه اوووف( اي الحمدالله شنو كلكم نايمين.،!؟)
هاجر( لا نايف برا البيت والباقي مطشرين)
شيخه حطت ايدها ع قلبها( بس الوقت متأخر... اي خلاص انا اخليج واذا قعدتي دقي يلا باي)
هاجر( باي)
شيخه( وي ياحظي اخاف صار فيه شي ياويلي عليك اوووف الله يستر ياربي قلبي شفيه قامتني اروح اصلي وايد اريح)



فهد وسعود شصار فيهم.،!؟
نايف وينه.،!؟
ريم شنو سالفتها.،!؟
شيخه ليش تضايقت.؟!؟
فطوم ليش ما تزوجت .،!؟
شجون وسعد ليش ما عندهم عيال.،!؟
بؤ عبدالعزيز .،!؟ ام عبدالعزيز.،!؟ وعيالهم ونهايتهم.؟،!
ساره شنو يصير فيها.!؟،حسين شنو موقعه بالإعراب .!؟،
*وغازي ونوره وراشد وفيصل وزوجته وعبدالله وعائله بؤ منصور شنو دورهم بالقصه.،!؟

ابي تفاعلكم.!؟ترا في وايد أشياء ببالي يعني ببدع..!؟،
عجبتكم القصه والا أوقف .!؟،
رد مع اقتباس
  #2  
قديم 2012-02-17, 06:29 PM
الصورة الرمزية غفوه مشاعر
| غفوه مشاعر   غفوه مشاعر غير متواجد حالياً

 
تاريخ التسجيل: Dec 2011
المشاركات: 6,280
غفوه مشاعر is on a distinguished road
افتراضي رد: قْصٌـهـّ عًـ ج ـيبـٍُه وآبتدـتّ فـّي يٍومـٓين

يعطيك العافيه
__________________
رد مع اقتباس
إضافة رد

مواقع النشر (المفضلة)

الكلمات الدليلية (Tags)
وآبتدـتّ, ج, يٍومـٓين, عًـ, ـيبـٍُه, فـّي, قْصٌـهـّ



جديد مواضيع قسم قصص 2014 - روايات قلب - روايات طويله - قصص طويله وقصيرة - قصص واقعية - Stories
 
أدوات الموضوع
انواع عرض الموضوع


قْصٌـهـّ عًـ ج ـيبـٍُه وآبتدـتّ فـّي يٍومـٓين




الساعة الآن 08:19 PM


Powered by vBulletin Copyright ©2000 - 2014