إضافة رد
 
أدوات الموضوع انواع عرض الموضوع
  #1  
قديم 2012-06-10, 04:27 AM
| مجرد زائر  مجرد زائر غير متواجد حالياً

 
تاريخ التسجيل: Feb 2012
المشاركات: 1,103
مجرد زائر is on a distinguished road
إرسال رسالة عبر ICQ إلى مجرد زائر
افتراضي *ليتك تحس فيني*>>رومانسيه

السلام عيككم ورحمه الله وبركاته

حبيت أحطلكم قصه بعد تفكير وقررت أني ما أوقف لين اخلص الصقه وهذا وعد مني*
نبدأ بالقصه يمكن البدائع ما تعجبكم بس راح تندمج ون بالبارت السادس والسابع*
للتذكير الصقه فيها 35 بارت*
بنات يمكن تلاقون بدليات واجد ركزو عالقصه أوكي*
ماراح تشوفون مني تقصير انشااء الله راح أحاول باليوم أحط لكم بارتين وذا كفا الوقت راح أزيد عدد البارتات



*بنات كوول بعمر الزهور يعيشون حياتهم قصة حب مراهقة *
ياترى هل ستكون نهايه حبهما سعيدة..؟
للمعلوميهـ::الروايه واقعيهـ 90%

.............
روايه كوميديه رومانسيه*
.............
البدايه

كانت الجوري جالسه في غرفتها على الاب توب تفرفر في المنتديات ورافعة على الاغاني والسماعات بأذونها
*الجوري.بنت متهورة شوي عندها استهتار ومايهمها لادراسه ولا شي.بنت مررة كووول.في متوسط عمرها 15سنه .خفيفه دم لابعد درجة..مواصفاتها:بشرتها بيضاء وزنها50 طولها زين.عيونها فيها سحر خيالي لونها بني..اخر العنقود*

نرجع لمحور حديثنا

كانت الجوري جالسه في غرفتها على الاب توب تفرفر في المنتديات ورافعة على الاغاني والسماعات بأذونها

الجوري وهي تغني مع الاغنيه:زعلان يازعلان خليت قلبي حيران مو قلت لك ياحبيبي بطل دلع من زمان

طق طق >>باب غرفتها

ماحد يرد

طق طق طق>>بقوه

واخيرا سمعت الجوري الباب وقامت تفتح

فتحت الباب
الجوري:خير
الشغاله:في هادا تيلفون لانتا
الجوري مستغربه من الي بيتصل عليها الساعة 11 ونص الليل:ماقال لك مين؟
الشغاله:لا انا مابي يعرف*
الجوري:اوكي جايه

قفلت الجوري الاغاني وراحت تشوف مين الي يبيها*
الجوري بصوتها الطبيعي الناعم:الووه
نسرين مخشنه صوتها:فديت الالوة حقتك انا
الجوري ماستغربت عرفت انه مقلب من نسرين فحبت تكمل معاها:فديت عمرك من معي.؟
نسرين كمان مخشنة صوتها:واحد معجب
الجوري: تصدقي حسبتها اثنين ه ه ه
نسرين رجعت لصوتها الطبيعي:هلا والله تصدقي انك طلعتي شريفة مو مالت هالسوالف
الجوري بأستهبال:لا حسبتها حصه ه ه ه
نسرين:ه ه ه يادمك
الجوري:اخلصي
نسرين:يصير اسولف معك.؟
الجوري:يصير بس اشرايك نسولف في المسن احسن.؟
نسرين:اوكي دقايق بس
وسكرت نسرين التلفون في وجه الجوري
الصوت بصوت واطي:صج هالبنت اسلوبها مثل وجهها
راحت الجوري غرفتها
طبعا اهم اكييد توبيكات بس بختصرها لكم
نسرين:هلوو
الجوري:يالله حيه
نسرين:كيفكم..؟
الجوري:قولي كيفه مو تلفين وتدورين
نسرين:هاا اي زين افهميها
الجوري:بخير
نسرين:عسااه دووم ياارب
*نسرين: بنت مرجوجة شوي..كوول..بنت خاله الجوري
في ثانوي عمرها 17سنة.. وحنطاويه ونعوومه مرررة*

في ستار بكس
كانوو الشباب جالسين يسولفون

طلال(اصغر اخوان الجوري):هههههه وربي شفته وهو يفحط
راكان(اصغر اخوان رنا):ههههههه اي والله بلاكم ماشفتون التفحيط الزين
فارس(الاخ الاوسط لنسرين):اقول بلا تحشون في خلق الله وتراني جوعاان مررة اشرايكم نروح مطعم نتعشى.؟
طلال:اوكي يلا قومو شباب
راكان::بس اي مطعم نروح..؟
طلال:ماكدونالدز اشرايكم..؟
فارس:يلا اي محل اهم شي ناكل>>خخخ
طلال وهو يقوم:قومو بس ياخوفي بس تاكلنا معك

راحوو ماكدونالدز وتعشوو

*طلال:: الاخ الاصغر لـ الجوري عمره 19سنه مقدم على معهد انجليزي..مرررة كوول مثل اخته..يشبه معاذ(الي في 37 درجة).ونفس جسمة تقريبا بس اهو احلى شوي
ويعشق شي اسمة التطعيس او التفحيط وعليه عيون تذبح مثل اخته الجوري*

................

*فارس: الاخ الوسطي لـ نسرين..عمره 20سنه .مواصفاته:طويل زين عريض القامة.ونفس خشم نسرين*

................

*راكان:الاخ الاصغر لـ رنا (راح تعرفونها مع الاحداث).عمره18 سنه..مواصفاته:ابيض عريض القامه جسمة رياضي ويشبه اخته رنا*

................
عند رنا

كانت جالسه في غرفتها تقرا مجله زهرة الخليج
*رنا: بنت خاله الجوري ونسرين.عمرها 16 سنه..بنت مرجوجة شوي بس هادئه وبارده نوعا ما ونعومه مررررة*

كانت جالسه في غرفتها تقرا مجله زهرة الخليج

رنا بتأفف: اففففففف زهق طفش ملل اشوف الجوري اقرقر معها شوي

اخذت رنا جوالها

الجوري كانت جالسه تاكل ليز وتكلم نسرين على المسن
>>بلاني زماني بواحد اناني

الجوري: الووه
رنا: الووه فديت الاوه انا*
الجوري: ههههههههه تسلمي شخبارك.؟
رنا بتأفف: افف زهقانه ملانه طفشانه*
الجوري:ليه منار مب هنا.؟
رنا: لا راحت الرياض عشان شغل زوجها
الجوري: اهاا اقول رنيوو اشرايك تدخلي المسن
رنا: اوكي باي
الجوري: باي
رجعت الجوري للمسن
الجوري: نسروو رنيوو بتدخل
نسرين: اهاا زين يلا نستناها
دخلت رنا المسن
وضافتها الجوري مع نسرين في الصفحه
رنا: هااااااااايووو
الجوري: هايات
نسرين: هاايو اخبارك*
رنا: تماام ويور.؟
نسرين: تماام دامك تماام
الجوري:بنات اشرايكم بكره الصبح نروح السوق
رنا: ويييو من زماان مارحت السوق
نسرين: اي وربي من زماان مارحنا السوق
الجوري: طيب ايش قلتوو.؟
نسرين: اوكي بس متى نروح.؟
رنا: طيب اشرايكم نروح الصبح الساعه 9نفطر
الجوري: وانا ايش اقول من شوي
نسرين: اوكي انتو قولو لاهلكم وشوفو
الجوري: انا واثقه من ابوي انو يخليني اروح
رنا: عدااااااال يالثقه حتى انا بقول لابوي وامي وبرد عليكم
الجوري: اوكي اجل الحين روحو وردو لي خبر
رنا: اوكي
نسرين: اوكيك

عند رنا
راحت عند غرفه ابوها وامها
طق طق
ابو رنا: تفضل
رنا: سلام
ام وابو رنا: وعليكم السلام
رنا: بااباا انت حبيبي
ابو رنا وكأنه عرف: لاتلفين وتدورين يابابا ايش تبين؟
رنا: بابا بكره بنات خالاتي بيروحون يفطرو في مجمع ممكن اروح معاهم.؟
ام رنا تتدخل بالسالفه: ومن الي بيروح معاكم؟
رنا: انا والجوري ونسرين ويمكن نقول لخالتي نوف تجي معنا
ابو رنا: اوكي روحو بس انتبهو على نفسكم الا اقول من الي بيوديكم.؟
رنا: سواق بيت خاله جنان(ام الجوري
ابو رنا: اوكي موافق
رنا: يابعد روحي واللهـ وراحت تبوس راس ابوها
ام رنا: وانا ماتبي تبوسي راسي.؟
رنا راحت على طول ضمت امها: انتي الكل بالكل ربي يخليكم لي
وراحت تركض لغرفتها ورجعت للمسن
الجوري: اففف الوو وينكم ورسلت اشاره تنبيه
رنا: كللللللللللللللللللللوش
الجوري تكتب وهي تضحك:هههههههههههههه مبروووووووووك
رنا: ياااي وربي مو مصدقه اول مرره ابوي يوافق بدون ماحن على راسه
الجوري: ههههه زين والله الحين بس بقى نسرين تجي
رنا: الحين تلاقيها تحن على راس خالتي ههههه
الجوري: هههه يمكن

عند نسرين

نسرين وهي بالصاله
نسرين: مابي مابي بروح يعني بروح
ام نسرين:والنهايه معاك قلت مافي يعني مافي
نسرين وهي تنطط مثل البزران: قلت بروح يعني بروح
ام نسرين: يعني عنااد اهو
نسرين: اي عنااد وكيفي
ام نسرين توها ببتكلم الا ويدخل ابو نسرين
ابو نسرين: خييير ايش هالصراخ الي واصل للجيران
ام نسرين: الله جاابك تعال شوف بنتك هالعنيده
ابو نسرين: خيير نسرين ايش فيك مع امك؟
نسرين وهي شوي وتصيح:بابا شوف امي ماتخليني اروح مع بنات خالاتي*
ابو نسرين: وين بيروح؟
نسرين: بيروحون بكره الصبح مجمع الراشد نفطر بلييييز بابا ابي اروح
ابو نسرين: خلاص روحو بس خلي امك تروح معاك
نسرين*اففف*:يصير خيير

وراحت للبنات في المسن

نسرين:بناااات افرحوو بروح معاكم
الجوري: ههههه ماخذه لنفسك مقلب
رنا: اي والله
الجوري: المهم بنات خلاص مثل مااتفقنا الساعه 9 الصبح مو ياخذكم النوم وتنسون

نسرين: لا ان شاء الله*
الجوري: يلا بنات تصبحون على خير
نسرين: وانتي من اهلوو
رنا: وانتي من اهل الخير
الجوري: يلا انتي بعد روحو نامو ورانا جلسه بدري
رنا: اوك
نسرين: اوكي*
الجوري: باااي
ورسلت لهم بوسه وطلعت
نسرين: اوماا هذي فلته هع
رنا: اي والله ههههه
سكرت الجوري الاب توب وراحت بدلت ملابسها ونزلت تشوف امها

ام الجوري كانت تشرب قهوه وجالسه بالصاله تطالع ميرنا وخليل

الجوري: هااااايووو مامي
جنان(ام الجوري):هلا ياعيون مامي
الجوري: تسلم عيونك يالغاليه
جنان: الله يسلمك افاا وينك من الصبح ماشفتك
الجوري: والله يأمي مشاغل الدنيا
جنان: ههه قال مشاغل قال
الجوري تذكرت: اي صح ماما بكره من بدري بروح انا ونسرين ورنا الراشد مول
جنان: متى راح تروحو.؟
الجوري: والله يامي تقريبا الساعه 8ونص او9
جنان: اوووه مره بدري يعني رايحين تفطرو؟
الجوري: ايوا ماما ايش قلتي.؟
جنان: اوكي حبيبتي بس انتبهي لنفسك ولاتنسي تقولي لابوك
الجوري وهي تتثاوب: لاا تخافي بابا ماراح يقول شي اوكي ماما تصبحي على خير انا طالعه انام وانتي متى بتنامي؟
جنان: والله يابنتي بعد شوي استنى المسلسل يخلص
الجوري وهو تقوم: والله مابيغسل مخك الا هالمسلسلات التركيه يلا تصبحي على خير
جنان: وانتي من اهله*

نعرفكم على العائلات
*عائله الجوري*
جنان: ام الجوري عمرها 42 سنه.. مرره شبابيه وتحب الموضه ومهتمة بنفسها مرره وتحب تكشخ وعندها مشغل في الشرقيه بأسمها وحنونة وقلبها طيب
...............
عبدالامير:ابو الجوري رجل اعمال معروف في الشرقيه عمره 47 سنه ومرره فري وموفر لعياله كل شي يبونه وخصوصا طلال والجوري لانهم اصغر عياله
...............
نجود: اكبر خوات الجوري وساكنه في الرياض تزوجت وهي صغيره عمرها 29 سنه متواضعه وطيبه وطبعا فري بس ماتهتم بنفسها وااجد وعندها 4 عيال
وهم.
ريم:بنت مرره كول ومستهترة وطالعه على الجوري واجتماعيه مع الكل بيضى وشعرها لنص كتفها عمرها 16 سنه(الجوري صارت خاله وهي ببطن امها)وراح تعرفونها مع الروايه اكثر
..
افنان: بنت مررره هادئه وماتحب تجتمع وااجد وتحب جلسات البنات وغامضه شوي كبر الجوري وعمرها 15 سنه
..
علي: ولد دايما مبيت مع اولاد عمامه وعماته عمره 13 سنه ابيض واشقر ويشبه الاتراك
..
دانه: بنت مررره خجوله واطباعها مثل افنان وعمرها 9سنوات
............
بدر: اكبر اخوان الجوري متزوج وعنده بنت اسمها لينا عمرها سنتين وعمره 27 سنه ابيض واشقر وكانه امريكي*
............
جمانه:مررره طيبه وحنونه عمرها 24سنه متزوجه وعندها ريانه وحسن
............
مناف: مرررره طيب وحنون. متواضع والكل يحبه عمره22سنه بعده مايتزوج. اشقر وابيض وعيونه رماديه ويشبه الجوري
............
جود: عمرها 20سنه وتوها متزوجه طيبه بس عصبيه وعيونها مثل الجوري
............
طلال: سبق ذكره
............
الجوري: سبق ذكرها
ــــــــــــــــــــــــــــــــــــــــــــــــــ ــــــــــــ
*عايله رنا*

روايه: ام رنا. عمرها 43 سنه مرره طيبه وحنونه وشريكه مع اختها جنان في المشغل
........
فيصل: ابو رنا عمره 48 سنه رجل اعمال طيب وحنون ويحب الخير للناس ومتواضع ويحب يجلس مع الجوري ونسرين لانهم يوسعون صدره بسوالفهم
........
مازن: اكبر اخوان رنا مرره كول طيب وحنون ويحترم مشاعر الناس فيه غرور شوي
عمره 21 سنه بعده مايتزوج ويدرس في امريكا وكل سنه ينزل شهر
........
منال: اكبر خوات رنا متزوجه وعمرها 25سنه طيبه وحنونه ومرررة شبابيه والي يشوفها يقول هذي بعدها تدرس وعندها بنتين ريان 7سنوات وسرين 7شهور
........
راكان: سبق ذكره
........
رنا: سبق ذكرها
ــــــــــــــــــــــــــــــــــــــــــــــــــ ــــــــــ
*عائله نسرين*
ساره: ام نسرين عمرها 45سنه طيبه وحنونه وتخاف على عيالها مررة
...........
فهد: ابو نسرين.عمره 49سنه طيب وحنون بس شديد شوي ويخاف على عياله مررره
...........
عصام: اكبر اخوان نسرين متزوح من7شهورعمره26سنه طويل وعريض وساكن مع اهله في البيت
...........
دلال:اكبر اخوات نسرين اجتماعيه بقوه عمرها 18سنه ويدلعونها بـ(دالي) لان تشبهها شوي
..........
راشد: اخو نسرين عمره 21سنه اشقر ويدرس في معهد الاكترونيات
..........
فارس: سبق ذكره
..........
نسرين: سبق ذكرها
..........
عبد العزيز:اصغر عيال فهد ..عمره10سنوات.عشقه شي اسمه بلايستيشن والبر.يحب السباحه ودايما يروح بيت الجوري ويسبح في المسبح الكبير.فيه شقاوه شوي
ــــــــــــــــــــــــــــــــــــــــــــــــــ ــــ

نرجع لمحور حديثنا

في الصباح الساعه8ونص نسرين اول وحده تجلس وعلى طول دقت على الجوري*
عند الجوري
الجوري في سابع نومة
>>انفلونزا الحب الي عداني صابني في القلب سرعه ورماني
>>> جوال الجوري
ردت الجوري وصوتها كله نوم: الوو
نسرين بدفاشه: صباحو خير يلا ياخيشه النوم وين الوعد
الجوري عدلت جلستها:اصبحنا واصبح الملك لله شوي شوي علي بالنسبه للوعد خلاص نص ساعه واكون عندك
نسرين: اوكي بسرعه استناك بااي
وسكرت نسرين ومن غير ماتسمع رد الجوري

الجوري بصوت واطي: العن ام الدفاشه بس

قامت الجوري من السرير واخذت لها شاور سريع وبدلت ملابسها ونزلت

الجوري: هااايو مامي
جنان: هلا صباحك خير
الجوري: صباحك نور اجل وين بابا؟
جنان: طلع من شوي راح الشركه
الجوري: اهااا طيب انتي قولي للسواق يجهز السياره وانا بروح البس عباتي عشان امر على البنات
جنان: الحين بتروحون.؟
الجوري: اي احنا اصلا قلنا بنروح نفطر ونتسوق ونغير جو
جنان: اهها طيب عندك فلوس كافيه.؟
الجوري:لاا البطاقه مليانه يلا بااي ورسلت بوسه لامها وطلعت غرفتهاتلبس عبايتها وتتكشخ>>لازم

سكرت نسرين من الجوري واتصلت لرنا

.........

رنا كانت جالسه بدري وجالسه في الصاله دق جوال رنا

رنا:الوو
نسرين: صباحك خير
رنا ابتسمت: صباحك ورد ياورد
نسرين: اوه اوه ايش الي صاير اشوفك رايقه
رنا: ماكوو بس متحمسه للروحه ها متى بتروحون.؟
نسرين: انا داقه اقول لك ان جوري بتمر علينا الحين يلا اجهزي
رنا: اوكي باي
...
راحت كل من نسرين ورنا يبدلون ملابسهم عشان الروحه وكل وحده متحمسه ومتكشخه*
...
طلعت الجوري من بيتهم ولبست نظارتها وركبت السياره
..

الجوري للسواق: كومار روح بيت نسرين*
السواق كومار مبتسم وباللهجه الخليجيه: تامرين امر
الجوري فقعت ضحك: والله وتعرف تتكلم خليجي ياكوماروووه
كومار: ومنكم نتعلم
دارت الجوري وجهها للنافذه وقالت: كومار عندك اشرطه لريان؟
كومار وهو يدور في السيديات الموجوده جنبه: اتوقع لحظه خليني اشوف
الجوري: خذ راحتك
كومار: اي توني ماخذ من طلال الشريط الجديد . اسمعي
.............
كومار: سواقهم من اصل هندي اشتغل عندهم حوالي13 سنه(لما كان عمر الجوري سنتين) فتعود على الكلام الخليجي فصار يتكلم خليجي وهم متعودين عليه ومتعود عليهم ويحترمونه ومطيحين الميانه بقوه
.............
شغل كومار السي دي وكان فيه اغنيه انت الغرام
وعلى نهايه الاغنيه وصلو بيت نسرين
طق كومار هرن
وعلى طول طلعت نسرين وعلى وجهها ابتسامه حلوة
دخلت نسرين السياره: هاااايو اخباركم
الجوري وكومار بصوت واحد: بخير
نسرين: اسكتو بس ذكرتوني بالمدارس
الجوري: الله اشتقت لصاحباتي
نسرين: اي والله اجل اصبري لشهرين ونص
الجوري:الله يعين (تذكرت شي) اي صح كومار روح لبيت رنا نسيناها
كومار قلب هندي: انا في يأرف
الجوري: اقول اسكت بس لوعت كبدي تكلم خليجي احسن
كومار اكتفى بالضحك وشاف طريقه
مرو على رنا ودقت الجوري عليها وقالت لها تطلع وبثواني طلعت وكملو طريقهم متجهين لمجمع الراشد
...................
جالس في غرفته ملان حده وفكر يتصل بولد خالته وصديق عمره اخذ جواله ودق الرقم
...:الوو وينك حموود
حمد: هلا والله بالحبيب شخبارك.؟
...:تمام المهم اشرايك نروح مجمع الراشد تراني ملان حدي
حمد: اوكي خلاص انت بتمرني او انا امرك.؟
...:لا انا بمرك يلا خمس دقايق وانا عندي
حمد: اوكي باااي
...:بااي
...............
حمد: ولد خاله واحد من الابطال الي راح نعرفه بعد شوي .عمره16سنه في ثانوي متابع للموضه والاغاني ويحب وحده من غايلتهم بعدين راح تعرفونها .وراح تعرفونه اكثر مع الاحداث
...............
وصلو رنا والجوري ونسرين للراشد وكانو مستغربين ان مافي زحمة بس افراد قليله وهذا الي مريحهم
اول مادخلو فصخو نظارتهم وكملو مشي متجهين لقسم المطاعم*
الجوري وهي تفصخ تظارتها: ها بنات الحين وين تبون تفطرون
نسرين: اي محل بس اشرايكم بكودو والله من زماان عنه
رنا: لا انا ودي في ستار بكس
الجوري: مي توو رنا نروح ستار بكس احسن
نسرين: اجل يلا امشوو*
راحو البنات ستار بكس وكان مافي الا طاوله فيها بنات وطاوله فيها رجاجيل كبار
راحو على طاوله فاضيه وصغيره على قدهم وكل وحده حطت شنطتها وجلست
الجوري: ها ايش بتطلبون.؟
نسرين: انتي ايش بتطلبي.؟
الجوري: موكـــ كانت بتتكلم بس قاطعتها رنا
رنا: نعرف ايش بتطلبي موكا بارد وكرسوان جبن
الجوري ابتسمت: ههههه طيب خلاص عرفتو ايش باخذ وانتي ايش بتاخذو؟
نسرين: انا باخذ مثل بعد قلبي الجوري
الجوري: العن ام القلاده بس
نسرين حطت صبعها على راسها: كيفي
الجوري تحب ايدها بطن وظهر: الحمدلله والشكر بس*
رنا: بسكم هواش من الصبح عورتو راسي
الجوري تقلدها: عورتو راسي مالت عليك وعلى راسك
نسرين: خلاص متى بتطلبون تراني جعت
الجوري: خلاص رنا تقوم تطلب لنا
رنا: لا والله كل واحد يقوم يطلب لنفسه
الجوري: العن ام الخيابه اقول روحي قولي بس 3موكا و4كرسوان جبن وخلاص
رنا بملل: افففف خلاص بروح
.........

بنفس الوقت
حمد:اجل نروح ستار بكس وخلاص بدل هالفراره بالشوارع
...: خلاص ستار بكس الي بالراشد اوكي؟
حمد:موافق على الاقل نركد شوي بدل هالفراره
...: خلاص صجيت راسي ابلع لسانك شوي خلني اعرف اسوق
حمد سكت ولف وجهه للنافذه
..........

عند البنات طلبو الفطور وقعدوا يفطرون
الجوري وهي تشرب من الموكا:نسرين غريبه اختك دالي(دلال)ماجت معنا
نسرين: لاغريبه ولا شي اصلا انا ماقلت لها ولما طلعت اهي كانت في سابع نومه
رنا: كذا يعني

بعد خمس دقايق
دخل بكشخته واناقته وكان مسوي شعره سبايكي وحاط فيه جلي يعني يذبح وهو داخل فصخ نظارته الشمسيه ويكلم حمد: هاا انت روح اطلب وانا بستنى في( وهو يأشر بالطاوله الي جنب البنات)ذيك الطاوله
حمد: اوكي بس ايش تبي؟
...:اي شي(وبعدين ابتسم)كل شي منك حلو ياحلو
حمد يعدل بلوزته: احم احم هذا من ذوقك
...: اقول ضف وجهك ويلا روح اطلب ماتنعطى وجه
حمد: هههه زين لاتعصب وراح يطلب فطور اي كلام

راح وجلس في الطاوله الي جنب البنات وكانت الجوري في وجهه على طول وكانت الجوري سرحانه في الرسومات الي على الجدار
وهي بتنزل عيونها وتشرب الموكا طاحت عيونها على......

ـــــــــــــــــــــــــــــــــــــــــــــ
من هو الشاب..؟؟ وهل له تأثير في حياتي..؟؟وهل هالموقف سيخرب فطورنا..؟؟

انتظروني في بارت جديد من حياتي
بنات اول وحده ترد عالقصه راح أحط البارت الجاي إهداء لها

ــــــ اذا شفت تفاعل بكمل ــــــ
رد مع اقتباس
إضافة رد

مواقع النشر (المفضلة)

الكلمات الدليلية (Tags)
ليتك, تحس, فيني>>رومانسيه



جديد مواضيع قسم شعر
 
أدوات الموضوع
انواع عرض الموضوع


*ليتك تحس فيني*>>رومانسيه


المواضيع المتشابهه
الموضوع كاتب الموضوع المنتدى مشاركات آخر مشاركة
ابية اغنيه يا ليتك تعود يا غزالي عطر شعر 0 2012-05-21 11:32 PM
ليتك تموت قصائد حزن زحمه دليل قلب 0 2012-05-15 10:03 PM



الساعة الآن 09:42 AM


Powered by vBulletin Copyright ©2000 - 2014