إضافة رد
 
أدوات الموضوع انواع عرض الموضوع
  #1  
قديم 2012-06-09, 12:41 AM
| مجرد زائر  مجرد زائر غير متواجد حالياً

 
تاريخ التسجيل: Feb 2012
المشاركات: 1,103
مجرد زائر is on a distinguished road
إرسال رسالة عبر ICQ إلى مجرد زائر
افتراضي مداوي جروحي *قصه كويتيه رومانسيه>>جواهر&بدر




بسم الله الرحمن الرحيم

القصة : مداوي جروحي (جواهـــر و بــــدر)
اتجاهها: رومانسي وجداني
الكاتبة : q8ia 3z
الجزء : الأول
الغاية: ما بعد العداوة غير المحبة

أولا:- السلام عليكم ورحمة الله وبركاته
شلونكم يا حبايبي ... شمسوين ...!! بغيت اقولكم اني مو مسؤولة لمن تنهمكون بالقراءة وتنسون صلاة او قراءة قران < هذا الي بينفعكم بالاخرة فعشان جذي وازنوا بليز......اللهم بلغت اللهم فاشهد...
ثانياً : القصة وعوائلنا مو كثيرة راح اذكر الأساس وخلونا نبدأ بأبطالنا....

**عايلة بو ثامر**
جواهر: بنوته عمرها 17 سنه ، حلوة تخبل الي ما يتخبل من حلاها ،طولها متوسط ، بيضة ... شعرها لحد كتوفها لونه كستنائي ، عيونها زيتي اخضر الحلو (للتوضيح  :امها تونسيه يعني وارثه منها الجمال) ،صفاتها: طيبه ومحترمة و رومنسيه حالمه، ماشافت من هالدنيا غير الأذية ، امها ماتت واهيا في بطن أمها اضطروا الدكاتره انهم ينزلونها واهيا ما تمت 9 شهور. يعني ما شافت امها غير بصور...وشسالفة الدكتورة الي بتطلع في حياتها وتغيرها ...
ابو ثامر:مبارك عمرة 49 سنه ابو جواهر لاهي بعقاراته وشركاته وصفقاته مومنتبه للبيت كلش ولا يعطي جواهر الحنان الي تبيه .
رفعه:عمرها 44 سنه مرت ابوها ، عوبه محد يقدر عليها بالبيت كلمتها تمشي غصب عن الي ما يرضى معزرة (مأذيه) في جواهر لحد الجنون... مرت ابوها مسويه فيها شي ما ينقال ، ملعوزتها في حياتها مو مخليتها مرتاحه ابدا

مربيه نهى: عمرها 50 سنه مرة عوده كبيرة ، من اول ما وعت جواهر على الدنيا ابوها جاب لها هالمربية وربتها ما خلتها ولا يوم واحد عوضتها عن حنان امها الي ما حصلته عند غيرها..
ريم:عمرها 15 سنه طويله حنطاويه انانيه اخت جواهر من ابوها منقهرة من جواهر ومن جمالها وامها معلمتها شلون تكرهها من واهيا صغيرة.
ثامر :اخوها من ابوها عمره ثمان سنين صغير ما يعرف من هالدنيا شي غير الحدائق والالعاب.
عمها سلطان (سلطان..ابو وليد..... عنده وليد21 >>>(هوب هوب شخصيه جديده: وليد ولد عم جواهر ... عمره 21سنه يدرس بالجامعه حقوق : طويل اسمر ومقبول بس مو لحد الجمال جسمه حلو، جواهر تعشقه لحد الجنون ما تقدر على فراقه كلش اهوا الدنيا كلها والعمر وحبيب روحها... و نوف 18 بسسسس)
(خوال جواهر التونسيين عايشين بتركيا... جدتها واسمها:نضال عمرها 57, وخالتها : مسره38 ،وبناتها التوأم كبر جواهر صفاء و وفاء وولد عابد 11 ، خالها محمد40 وقاسم35 و وجدي33)



عايلة بو بدر:
بدر: عمره 25 سنه طويل والجسم تحطيييييييييييييييييم وأبيض والعيون تسحر كل من شافها ... جميل بكل معنى الكملة ، صفاته : الحزم وصبر و يتميز باتزان العقل وتفكير الهدوء ، وحنون ورحوم، متخرج من الجامعه ادارة اعمال ابوه متوفي فعشان جذي متحمل كل شركات بروحه والعقارات والاملاك (بطلنا غني  )
عبدالرحمن: عمره 22 يدرس ببريطانيا ( بلندن العاصمة) طويل ابيض فيه شبه خفيف من بدر، جسمه حلو ... صفاته عزيز نفس بطريقة مو طبيعبه والكرامه عنده فوق كل اعتبار حبوب طيوب وكيوت وفيه شوية عصبيه ...
ام بدر:ناديه ، عمرها 53 سنه طيبه حبابه على نياتها قلبها على بناتها وما تخلص من المحتاه... 
شيخه: عمرها 19 سنه هاديه ما تحب تتهاوش مع احد ناعمة رقيقه... ورومانسيه حالمة , تدرس رياض اطفال وتحب الجهال
نورة:16 ملقوفه مطيورة وكل شي تبيه بوقته ما عند عندها صبر ،تدرس بثالثه ثانوي
مها : 12 سنه دلوعه البيت كله ولي يقرب صوبها يا ويله من بدر لانها دلوعة اخوها وطلباتها اوامر ، واهيا بسادس

ابو حامد:
خالته منى : منال ودلال خوات توأم اعمارهم 17... وماعندها غير هالبنتين وولد اسمه حامد 14 سنه

ابو محمد:
ساره خالة بدر : عمرها 44 ،ابو محمد (عادل) عمره 48 وعندها 4 شباب: محمد: وعمره 22 وبالجامعه بيتخرج على هالسنه بيصير مدرس العاب*حبيب قلب شيخه* , حمد عمر 19 واولى معهد مايحب الدراسه بس طيب وخلوق ويحب الغشمرة وحنون لأبعد درجه , احمد عمره 18 برابع ثانوي , يوسف 13 وبسابع)

اعمام بدر اثنين:
ابو طلال:
عم بدر وله ثلاث بنات وثلاث شباب(طلال 25_ياسر21_ اريام 18 سنه
عامر17_غسق 14_امينه12)


ابو مشاري:
مشاري 24 و عبدالله 20 و ساره 18 و الاء 8 سنين)

عمته نعيمة: ام عوض
نرجس 18 و عاليه 15 مي 12 عوض 9 عمر 3: دلوعه موووت




جواهر واهيا طالعه كانت لابسه جينز سكيني رمادي واسلامي بنفسجي : مع السلامه
مرت ابوها (ام ثامر): على ويييييييين طالعه وانا اخر من يدري
جواهر بخوف : بروح بيت عمي
ام ثامر: واي عم فيهم
جواهر : عمي سلطان
ام ثامر: اهااااااااااااا عند وليد
جواهر من القهر: اي عنده ارتحتي .. وطلعت
ام ثامر بعصبيه : اااا ياااااااا قليلة الادب يلي ما تربيتي وتقولينها بعد اشكره اخبره (وتطلع ورا جواهر) والله لوريج شغل الله
جواهر تمشي بخوف وطلعت من البيت بسرعه
ريم: يمه شالجديد جواهر من عمرها مع وليد
ام ثامر منقهره: ماااااااااالت عليج يا بقره البنت ضبطت نفسها مع ولد عمها وانتي نايمه ؟؟......... راحت وخلت بنتها
ريم:اي شي... نو كومينيكيشن(لا اتصال = فاصله)


ببيت ابو بدر: الساعه 4ونص العصر
نورة بفرح:اااااااااااااآآآآآآآآآآآآآآآآآآآآآآأأأأأأأااا اااااااااااااااااااااا
بدر بحزن: وجعه
نورة تضحك : توجعك
شيخه : البنت فرحانه خلوها بحالها
نورة: يا حبيبي يا بدوري متضايق من خسارة نادي القادسية
بدر: جب طسي وراج
نورة: فزنااااااااااا عاااااش نادي الكويت يا حليلك يا حمني
بدر: براااااااااااااا..... ويحذفها بالنعال
نورة: الحرة تجيب العره...حميصه
مها : يمه ابي اروح لبيت غنيمه (بنت جيرانهم وحيل مع مها)
بدر: لا مهاوي ما يصير انتي كل يوم عندها
مها بضيق : شلون يعني اقعد بروحي
بدر: نروح للمدينه الترفيهية
وصار ازعاج بالبيت من الوناااااسه
نورة: يا ربي شلبس يااااااااااااااااااااااااااااااااااااااااااااااااا اااااااي
بدر: ومن قالج بتروحين
ام بدر: هاو بنتنا نخليها بالبيت بروحها
نورة: عاشت امي عااااااشت
بدر :عندها الخدامه احسن خل ينفعج نادي الكويت
نورة ترقع الموضوع: ومنو الجذاب الي قال اني اشجع نادي الكويت اسم الها علي من الله خلقني وانا قدساويه (بقلبها: اخاف صج بس)
الكل متنح
بدر: شكلج تتمصخرين علي...
ام بدر: يمه بدر
بدر: سمي
ام بدر: سم الله عدوك يمه قطني على بيت خالتك سارة
بدر: ابشري يا الغالية
نورة: بدر تكفا بروح
بدر يبي يغيضها :سوري ماي هارت (اسف يا قلبي)
نورة: بليز ماي براذر نو ان ماي اولد اي طلبتك (تكفا يا خوي بعمري ما طلبتك)
بدر والكل:هههههههههههههههه طلبتك هههههههههههههههه
شيخه:ريكويست يا حظي
نوره:تكفا الي اهو
بدر :بوسي ايدي
نورة بفرح : بعدين اروح
بدر: اي
نورة وافقت المسكينه وباست ايد اخوها شتسوي ما لها حيله



ببريطانيا (لندن)
الساعه 3 العصر
عبدالرحمن بنرفزه : يا ربي من هالبروفيسور مأذينا اذية العالمين
شغف (حبيبة قلبه والي فيه الخير يقرب صوبها عشان يذبحه عبدالرحمن كويتيه وعمرها 20 بيضه وعيونها عسليه واسعه وصابغه شعرها اشقر ): ما عليه وسع صدرك
عبدالرحمن: وين اوسع صدري وهذا يبي مني بحث يا ناس دخت
شغف: اسم الله عليك
عبد الرحمن برومنسيه: تخافين علي
شغف ترقعها: قال تخافين علي ..طع هذا وايد مصدق نفسك انت صديق لا اكثر ولا اقل
عبدالرحمن:متأكده
شغف تسكتت شوي وبعدها تكلم: اي متأكده
راية(هذي رايه اماراتيه تحب الفرفشه والضحك ومن النوع الي تجذب الي جدامها بحوارها وومناقشاتها): هاااااااااااااي جااااااااااااايز
عبدالرحمن ببتسامه: اهلييييين وسهليييين يا مرحبا الساع
شغف طالعت عبدالرحمن شلون مستانس؟؟
راية: حمني حبيب روحي
عبدالرحمن بنص عيون: مصلحجية
رايه:هههههههههههههه ابي منك طلب بليييييييييييز
عبدالرحمن: وهو
رايه: ابيك تساعدني في البحث متوهقه حدي البروفيسور ما قصر وقلت لحمد (حمد سعودي تحفه حيييييييل مع رايه وغشمرجي ويضحك الي حوله) قال لي اسف هيثم (هيثم هم سعودي بس عكس حمد تماماً يخوف شخصيته صعبه مو يم الدراسه ما يواطن الدراسه والكل يخاف منه ومن حركاته ...) قالي قبلج وين اولي وين اروح طلبتك عفيه
عبدالرحمن: اوكي رورو دقي علي وانا اساعدج
شغف طنقرت حست بالغيرة
راية:الساعه سبع زين
عبدالرحمن :يس
رايه: حياك الله
عبدالرحمن:وين
رايه واهيا رايحه لانها مستعجل:ان ماي هوم (ببيتي)
عبدالرحمن:اوكي هاني(عزيزتي) سي يو (اشوفج)
شغف ومبين عليها معصبه حدها:انا بروح
عبدالرحمن ومن عقب ما حط بباله كلمتها له انه حسبة صديقه حب يعاملها معاملة الصديق لصديقه ويبي يشوف ردة فعلها : وين بتروحين؟
شغف : للبيت بشوف احد يساعدني بالبحث
عبدالرحمن ماسك نفسه من الضحك وحلف انه يعاملها كصديقه: اها الله يعينج عاد وايد صعب مو طبيعي ... شوفي لج احد يساعدج
شغف ودموعها شوي وبتنزل ما تتحمل تشوفه مع وحده هالمرة بيروح لوحده اوكي صديقتها على عينها وعلى راسها بس هذا حبيبها:باي
عبدالرحمن يحط نفسه انه مشغول ومن غير لا يشوفها :بايات
راحت شغف لبيتها وما تحملت اول ما وصلت لغرفتها بجت بجي السنه بساعه :يا ربي احبه والله احبه معقوله بيحب رايه لالالا رايه تحب حمد بس اهيا بتقعد معاه انا الخبله جان قلت له انه يساعدني ..احسن استاهل


بالكويت.. ببيت ابو وليد: الساعه 5 العصر
جواهر دخلت ومالقت احد بصاله دقت على نوف
نوف: اهلين وسهلين بالغلا كله
جواهر: هلا فيج
نوف: يا ماما مشتاقة لج مووووووووووت
جواهر: اشتاقت لج العافيه وينكم
نوف: احم قصدج ويني انا صح
جواهر استحت
نوف تضحك:تعالي يا قلبوشه انا فوق بداري والله ضايق صدري امي وابوي مو بالبيت
جواهر راحت لدار نوف بس قبل لا تدخل شافت دار وليد وراحت له
طقت الباب
وليد يمشط شعره: تفضل
جواهر مالت نص جسمها عالباب وطالعت راسها
وليد ببتسامه تسحر: يا مرحبتين كبار
جواهر واهيا داخله: هاي وليد... وقعدت عالسرير
وليد : هايات
جواهر تطالع غرفته:عدل الغرفه حدها عفيسه
وليد راح وقعد يمها عالسرير: هاه ما قلتي لي شصار مع ابوج
جواهر نزلت راسها بحزن: والله يا وليد مو راضي يصدق الي تسويه رفعه (ام ثامر) فيني كلش وانا ماني قادره اتحملها اكثر من جذي مأذيتي اذية الخلق آه يا صبر الله على خلقه
وليد : ماعليه بسيطه تنحل
جواهر ما قدرت تحبس دموعها وبجت
وليد: يا جواهر عشاني لا تبجين
جواهر اوقفت ووقف وليد معاها: مع السلامه وراحت
وليد :مع السلامه
جواهر متولعه بوليد ووليد مهتم فيها لانه يحس فيها وخايف انها تطالع الشباب او تكلمهم فهتم فيها وعاذر ظروفها لكن جواهر تحبه مو قادرة تعيش يوم بدونه
نوف تغني بدارها ودخلت عليها جواهر
نوف:ادري كنتي عند وليد
جواهر: بسم الله ما تكلمت
نوف: الشرهه على الي قاعد ينطرج
جواهر: ههههههههههههههه
نوف: مالت علي مالي غلا كش
جواهر تظمها والله لج الغلا كله
نوف :اي هين
دخل وليد: هههه ذكرتوني بفلم هندي قديم الخوات الي لقو بعض هههههه
نوف وجواهر: ههههههههههههههههه
وليد: يلا بروح تامرون على شي
نوف : لا يا روحي بس دير بالك على نفسك يا وليد اللهم يا كافي حوادث السيارات اكثرت هالايام ..وقامت من مكانها وضمت اخوها
وليد يضم اخته ومعطيها على قد عقلها: حمدالله وشكر
نوف واهيا تضمه: يقولك البنت الي ما تلاقي حنان من عايلتها تنحرف
وليد :لا يمعوده بنضمج ونعطيج حنان لين ما تتزوجين وبعدها نفتك
جواهر تطالع نوف بحسره ودها تكون مكانها... وليد كان يطالع نظراتها وفهم حزنها
وليد: اي صج
نوف: هاه
وليد:شخبار العرس (عرس رفيجتهم)
نوف:يجنن يهبل
وليد:اهم شي فرحتوا وستانستوا
نوف:اي اهم شي
وليد: يلا باي
نوف وجواهر:بايات

ببيت ام محمد (بيت سارة خالة بدر) الساعه 7ونص
ام محمد : والله انها تهبل قمر قمر
ام بدر:يوه ساره هالمره طيرتي البنت بالحيل
ام محمد: يو يا جسمها يو يا حلوها تهبل
ام حامد (منى اختى): لا البنت ما عليها كلام حلوة حلوة
ام محمد: اي والله حلوة
ام بدر: ودامها حلوة ليش ماخذتيها لمحمد
ام محمد: تقول دامها حلوة ليش ماخذتيها لمحمد قلت له راح صوتي وانا افهم بس بهيمه ما يفهم تعبني دوخني يقول ما ابي العرس الحين
ام حامد: هههههههههههههه يا خنت حيلي ما يبي المسؤولية
ام بدر: انزين اهي من بنته
ام محمد: اسمها جواهر مبارك الــــ..... وابوها ينقاله ابو ثامر
ام بدر: اي عرفتهم والله ونعم فيهم البنت والله ماعرفها بس ابوها صيته عند الكويت كلها .. وانا عن نفسي بقول لبدر وبتصل وبشوف البنت
ام محمد: هاه يا خويتج مو تنسيني بلغيني اول بأول
ام حامد تطالعهم بنص عيون : هاااااه لا تنسوني
ام بدر: ابشري يا ام محمد و ام حامد انتو الكل بالكل
ام محمد: يا قلبي تسلمين
ام بدر: مع السلامه
ام محمد: الله يسلمج
ام حامد : ماتشوفين شر
ام بدر: الشر ما يجيج يا خيتي

ببيت ابو بدر: الساعه 12 بليل
نورة: اي يا رجولي يا ناس يا حلو المدينه الترفيهية ولي محليها اكثر بنات خاله منى معانا
بدر: اه يا راسي... ياحليلهم والله خوش ينات
مها : بنام دايخه
شيخه: اي والله وانا بعد دايخه
نورة: اخذوني معاكن بنام
بدر: خاينات خليتوني
ام بدر: يلا ناموووا وارتاحو عندي لكم موضوع باجر
نورة بلقافه : يمه ما يصير تقولينه الحين
ام بدر: تقولين انج دايخه
نورة: لا ما فيني شي...حصان اسم الله علي
مها نااااااااااااااامت ...وشيخه تثاوب... ونورة مناضله...وبدر يفكر في
امه والموضوع
ام بدر: لا اصبح الصبح قلت لكم
نورة: يا يمه ما اعرف انام ومااااا عرف قلبي يحكني تو الناس على الصبح بقاله 6 ساعات يا نااااااااااااااس انا شينطرني ....
بدر بضحكة: قصدج اللقافة بتاكلج
ام بدر وبدر وشيخه : ههههههههههههههههههههههه
نورة بزعل: يا الله يا رب يرزققك ببنت نفسي
بدر: الفال الله ولا فالج ...ويتفل على نفسه.....بنوتي محد يشبهها يا ربي تخليها لي بتطلع على امها نااااااااعمه مو مثل عمتها
نورة: اساسا يا بختها جانها مثل عمتها مالت
بدر: امحق عمه مطيورة وملقوفه انحش
الكل:هههههههههههههههههههههه
نورة: بس خلاص زعلت
بدر: اسف يا حياتي
نورة حسته يتمصخر وسكتت
ام بدر: يلا النوم النوم
بدر شال مها نايمة على رجله وحطها على سريرها وترك باب الغرفه مفتوح ....وراح يبوس راس امه وينام لانه متعود ولمن جاء يدخل سمع امه تبجي
ام بدر تتذكرت سالم (ابو بدر) وبجت
ام بدر: ليتك معاي بلحظات ... ولدك بزوجه وانت مو عندي ... تمنيت يا مناي معاي تفرح لفرحي وتحزن لحزني ... ماني قادره اعيش من دونك ... اذبحتني الوحده...اذبحتني
بدر بغا يبجي لمن سمع امه وتمالك نفسه وطرق الباب: يمه
ام بدر:ادخل بدوري
بدر واهوا داخل عليها :لالالالالالالا.... الله يهاداج ليش هالبجي هذا كله
ام بدر: ما قدرت امسك نفسي يا بدر ما قدرت
بدر ضم امه لحضنه: ميخالف عشاني يا الغالية لا تبجين وسعي صدرج انا يمج ما راح اخليج ... باس راس امه
ام بدر: عسا الله يخليك لي..


ببريطانيا (لندن)
الساعة تسع
شغف متوهقه وجدامها اوراق البحث وموعارفه ولاشي وقعدت تبجي دخلت امها عليها
غاليه (ام شغف): يمه شغف شفيج
شغف: البحث وااااااااااااايد صعب واااااااااااااااااايد
غاليه: ماعليه اهوا يبيه منكم باجر
شغف: لا معطينا الاسبوع كله (بقلبها يعني حمني بيكون مع راية اسبوع
كامل)
غاليه:لايمدي عيل شوفي بحثج انا بنام
شغف : نوم العوافي
اقعدت المسكينه تعفس يمين ويسار
الكـــــــــويـــــــــــــــــت:- ببيت ابو ثامر:الساعه 1 الا ربع
جواهر: ماما نهى
نهى: خير يا يمه
جواهر: ابوي وينه
نهى:رد سافر
جواهر بغضب:بعد!!!!!!!!!
نهى:ماعليه هذا شغله بعد شيسوي
جواهر: بنام خلاص ماني قادره استقبل وراحت لدارها تنام
اول ما ادخلت لدارها افتحت كتاب ذكرياتها تكتب في احزانها دايم
بسم الله الرحمن الرحيم
الى امي الحنونه...
يا ليتج يا الغاليه معاي يا ليتج بقربي تفكيني من بلاوي مرت ابوي ومن ابوي الي مو حاس فيني انا بنت لي مشاعر واحاسيس انا ما اتحمل بروحي هالضيم هذا كله خلاص يا ناس تعبت ارحموني انا انسانه والله ما كفرت ورب البيت ما كفرت... اه يا قلبي عسا الله يعينك... نامت ودموعها على خدها.........


ببيت ابو بدر من الصبح:
نورة تتريق: اي يمه الموضوع شنو؟ *
بدر يطالعها بحزه : يلعن يومج من بنت
شيخة: يالله صباح خير
ام بدر: ما قلنا يا صبح اصبح
نورة بضيق: يمه قلبي يحكني
الكل: ههههههههههههههههههههههههههههههههه
نورة:الله يذكر حمني بالخير لو موجود جان دافع عني
ام بدر: احم احم
الكل سكت
ام بدر: والله يا بدر يا عمر امويمتك انت تدري العمر يركض
نورة تقاطع امها: وانا ابي اشوف عيالك يعني عرس ههههههههههه
مها: الله انا اخت المعرس
نورة تكلم شيخة:هيه بنروح للمشغل الي تقول عنه سهام
مها: وانا وانا بعد وياكم
نورة: لا ما يصير ممنوع اسطحاب اطفال
مها: مابي بروح
نورة منفعله: يوووو يقول لج في صالونه انما ايييييه روعه عجيب مسكت تساريح و مكياج قمة بكل معنى الكلمة خلينا نزوره
مها بزعل: نورة تكفين اخذيني معاج (مصدقة)
نورة بعصبيه: يوووه وين افهم بالجاهل ... وتطلع مها... يا بنت ما ياخذون الجهال انتي جااااااااهل افهمي
مها مصدقة: حتى لو قولي لهم انا اخت المعرس
نورة تفكر: عورتي قلبي
مها بفرح: يعني بتاخذيني
نورة :اي بكسب فيج اجر...
مها تضم نورة بوناسه
نورة: لا داعي لا داعي...مشكلتي اني طيبه طيبتي بتوديني بستين الف داهيه 
الكل:؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بدر: اشوفج قررتي
نوره: الرسول صلى الله عليه وسلم فيما معنى حديثه من استطاع منكم الباع فليتزوج ...يعني كمل نص دينك
ام بدر: يا يمه يا بدر تعرف واحد ينقاله مبارك الــ....
بدر: ايه يمه اعرفه
نورة تحط ايدها على وجهها:تكفين قوليها
بدر بعصبيه: نورة بلا لقافه خن نسمع شربكتي الموضوع واستنتجتي واهي ما نطقت بكلمه اوف منج اوووف
نورة بخوف: خلاص بسكت هونا
ام بدر:عنده بنت امدحتها خالتك قطعتها بالمدح ..شرايك نشوفها يمكنها تعجبك
بدر: وليش ماخذتها لمحمد دامها متحطمة فيها؟
ام بدر: تقول محمد ما يبي العرس
شيخه ارتاحت
بدر بضحكة لشيخه:الله يعلم ليش ما يبي العرس ههههههههههههههه
شيخه انحرجت
ام بدر: هاه يا يمه شقلت
بدر: الي تشوفينه الرجال ما يعيبه شي ونعم
نورة بفرح: يمه بنتهم جواهر صح
الكل:؟؟؟؟؟؟؟؟؟
نورة بخوف: الله يكفيني من عيونكم
ام بدر: اي يمه
نورة : اعرفها بمدرستنا
ام بدر استانست: وش رايج فيها
نورة تسوي نفسها مغمى عليها : يمه مزيونه مزيونه فدعه
بدر مستانس لانه نورة عندها ذوق: نورة اوصفيها
نورة تطالع بدر ومهتمه حدها : يوه اسكت شقول شخلي
ام بدر: يقولون انها مزيونه
نورة ترفع عيونها فوق وتتذكر جواهر : بيضه ... العيون خضر... الشعر كستنائي ... ذربه... كشيخه.. البنات ميتات عليها
بدر متنح من المواصفات: معلوم دامها بتصير زوجتي
نورة: يمه ما ابيها
الكل:؟؟؟؟؟
نورة: باجر اذا جتني بالبيت بتصير اكشخ مني مابي مابي
الكل: ههههههههههههههههههههههههه
ام بدر: خلاص .. بكلمهم بتلفون العصر بقولهم باجر الخميس بعد صلاة المغرب
بدر:براحتج
شيخه رن تلفونها وطلعت للحديقة

محمد : قوة حياتي
شيخه: هلا والله وغلا
محمد : شلونج شمسويه
شيخه : بخير ولله الحمد
محمد : يا الخايسه اشتقت لج موت
شيخه: ايه اشوفك طقيت الباب
محمد: يلعن ابو التفكير... انتي عبالج اضحك عليج ولا العب
شيخه : اي انت فكر جذي عشان الوي اذراعك
محمد : ههههههههههههههههههههههه
شيخه: في شي يضحك
محمد: يا حلوج انتي لمن تعصبين تصرين اووووف زووووغه
شيخه : مالت زييييييييين
محمد : تدرين انه امي ذابحتني بسيرة العرس
شيخه: ايه توه امي تقوله
محمد: بس والله ما ابي ... ابي اتجدد بشبابي لاحقين على العرس
شيخه: والله عاد انا اذا جاني ولد الحلال ما راح انطرك
محمد بضحكة: مو بكيفج
شيخه : لا السموحه بكيفك انت!!!... انت شكو
محمد: لأني محاجي بدير (بدر) امس عن هالموضوع بذات
شيخه بحيا: شنو قلت له
محمد: يهمج!
شيخه: يووووووووه حمود اخلص
محمد: هههههههههههههه قلت له ابيج لي وانه محد ياخذج
شيخه استانست بس ماتبي ترمي روحها عليه: ليش بالله انا باخذ الي ابي
محمد: اقول اسكتي ولي عافيج ماراح تلقين مثلي بين الشباب
شيخه: وااااااااااااااااي مصدق نفسك افففف
محمد: اعوذ بالله من كلمت اوف ومن شرها
شيخه: استغفر الله ... بس فرضا جاني واحد كامله مواصفاته
محمد : شيوخ
شيخه: نعم
محمد: كأنج تقولين ما ابيك !!
شيخه :لالالالالالالالالالالالالالالالالالا والله ابيك بس ابي اتدلع شفيك!!
محمد: ما ادري عنج غشمرتج ثقيله زييييييين
شيخه: حمود لا تزعل عادي اتغلا ما فيها شي
محمد: يا حياتي ... انتي شككتيني انج فعلا ما تبيني
شيخه بحيا: من قال اني ما ابيك
محمد : تحبيني
شيخه: اموت فيك
محمد: ااح اح اح
شيخه بخوف: اشفيك....؟
محمد: سهمج دخل بقلبي
شيخه: خن اصكر الخط قبل لا تخورها.... باي
محمد :هههههههههههههههههه بايات
راحت شيخه لأمها وقعدت تقرقر معاهم... ودقو على بيت جواهر


ببيت بو ثامر الساعه 4 ونص العصر
الصاله فيها ام ثامر وريم و جواهر قاعدين والكل ساكت (غريبه)
فجأه رن التليفون
ام ثامر: الو
ام بدر:السلام عليكم
ام ثامر:وعليكم السلام
ام بدر:من معاي
ام ثامر: ام ثامر
ام بدر:قوه ام ثامر شلونج
ام ثامر: هلا والله بخير من معاي السموحه ما عرفتج
ام بدر: انا مرة ادور القرب منكم
ام ثامر:ههههههههه هذي الساعه المباركه (وتطالع بنتها بفخر ...جواهر متنحه ما تدري وين الله قاطها)
ام بدر: انا ام بدر واحنا من عايلة الــــــــــ.........
ام ثامر بققة اعيونها لانه هالعايل عز:هلا ومرحبا الجاذب يعطى للعمى
ام بدر:هلا فيج... احنا والله نبي القرب منكم نبي بنتكم الحلوة
ام ثامر بفرح: يا قلبي عسا الله يكتب الي فيه الخير
ام بدر:وان شاء الله جواهر بنتنا ما راح نقصر فيها
ام ثامر: اي جواهر
ام بدر:جواهر بنتكم ما غيرها
ام ثامر بضيق: اي يا عمري عمر جواهر
جواهر تطالع ريم وريم متنحه
ام بدر:اي والله عسا الله يخليها لكم
ام ثامر:والله انها تهبل وطيبه يا عمري عمرها وتسميني يمه وانا ماني بمها
جواهر شطيب الي طلع فجأه وريم هم متنحه
ام بدر:ليش وين امها
ام ثامر:ماتت
ام بدر:الله يرحمها ويرحم موتى المسلمين ...اجل هي يتيمه
ام ثامر: اي
ام بدر:يا الله كلن واقفن على يومه
ام ثامر: صدقتي
ام بدر:شرايكم نجيكم يوم الخميس بعد المغرب
ام ثامر: حياج الله ان ماشلج البيت تشيلج عيوني
ام بدر:يحيج ويخليلج لعين ترجيج هذي الهقوة فيكم يلا اجل ما اطول عليج مع السلامه
ام ثامر :الله يسلمج
ريم: هذي منو
ام ثامر ما هي يم بنتها انقزت لجواهر: يمه جواهر يا عمري
جواهر: عمري يمه هاه شنو (البنت تنحت) شقلتي
ام ثامر: عندج ملابس كشخه
جواهر: ايه عندي
ام ثامر بفرح: بيخطبونج بيت الـــــ............
جواهر انصدمت وصرخت لأول مره بعمرها: ما ابيهم
ام ثامر متنحه: ليش يا عمري
جواهر: مااااااا ابيهم
ام ثامر: ادري تبين وليد بس ما عليه الي بيجيج من بيت الـ... يسواه
جواهر: تكفين ما ابيهم ما بي تكفين لا توصلين الخبر لأبوي تكفيـــــــــن
ام ثامر بصراخ:عطيتج وجه عاد يلا بس ما عندي دلع جهال يلا
جواهر راحت لدارها تجبي تغارق دموعها صكت الباب بقوة ودق على نوف
نوف:الو
جواهر بحرقة: نوف الحقيني
نوف: اقمزت من مكانها: شفيج يا عمري
جواهر: جوني خواطيب
نوف: مبرووووووووووووك حياتي كولولولولولولولولويش
جواهر تبجي:انا احب وليد احبه
نوف استقبلت الخبر بشكل الصحيح:اي صج نسيت
جواهر :نوف قولي لوليد
نوف: اوكي بوصله الخبر وبقولج شنو رده
جواهر:باي
نوف:بايات
*********
نوف دقة على وليد:الوووووو
وليد بخوف : هلا شفيج
نوف: الحق جواهر جوها خواطيب
وليد ببتسامه: عالبركه متى
نوف: يا حماااااااااااااار البنت تحبك اتصلت علي ميته من ابجي تبيك
وليد :اوكي عطيني رقمها وانا اتفاهم معاها
نوف: اوكي
وليد يدق على جواهر
جواهر من قبل لا تشوف التلفون: هاه شقال
وليد: منو الي بيقول
جواهر... بحب:وليد
وليد: عيوني
جواهر:شفت شصار مرت ابوي بتزوجني وانا ما ابي غيرك
وليد مبتسم: جواهر يا عمري انتي بفترة مراهقه توج صغيرة
جواهر بقهر: من كبرك الحين
وليد:هههههههههههههههههه
جواهر تبجي: اي اضحك جايز لك الموضوع لانك مو مهتم فيني ولا حاس
وليد بصراحة: انا مهتم فيج واخاف عليج من نسمة الهوا جواهر انا احبج حب الاخو لاخته
جواهر تيبست
وليد:الو
جواهر حست انها حاطه نفسها بموقف لا تحسد عليه:مع السلامه
وليد: لحظه جواهر...اغلقت جواهر تليفونها...


جواهر:احبج حب الاخو لأخته وانا الي تولعت فيه وعبالي يحبني اثاريه يداريني ويخاف علي حالي حال نوف عيل منو الي بقلبه ؟؟؟ آه آه آآآآآآآآآآآآآآآآآآآآآآآآه وبجب بجي السنه بساعه





انتهى الجزء الاول على اوتار حزن بطلتنا جواهر وحبها الي شابه انه نهائي من حبيبها وليد ... وخطوبتها من بدر واهيا ما تبيه لانه قلبها معلق مع وليد ومستحيل تنساه... بصارخ بتعارض بس شتسوي اذا كان وليد وابوها والناس والدنيا كلها ضدها واهيا بنت توها صغيرة ما ذاقت طعم الفرح يا ترى شلون راح تتم خطوبتها وهل راح تتم من غير مشاكل او تعقيد ... شنو ردة فعل جواهر اتجاه بطلنا بدر بتستقبله بسهوله بتلقى عنده الحنان الي ما حصلته عند غيره بتحبه بتكره بتشتاقله ... ايام الخطوبه هل راح تصير ايام خير عليها ...؟؟؟...هذا الي بتعرفونه ان شاء الله من البارت الجاي
رد مع اقتباس
إضافة رد

مواقع النشر (المفضلة)

الكلمات الدليلية (Tags)
مداوي, جروحي, رومانسيه>>جواهرandبدر, كويتيه, قصه



جديد مواضيع قسم شعر
 
أدوات الموضوع
انواع عرض الموضوع


مداوي جروحي *قصه كويتيه رومانسيه>>جواهر&بدر


المواضيع المتشابهه
الموضوع كاتب الموضوع المنتدى مشاركات آخر مشاركة
اون وكلن يحسب اني اغني ... عليل وكلن يحسب اني مداوي زحمه العامه 0 2012-05-29 07:52 AM
أسماء الموظفين والموظفات المثبتين بوزارة الصحة بعسير 1433 ،، خبر تثبيت 1105 موظفين وموظفات بصحة عسير 2012 جنون انسان اخبار 0 2012-05-23 03:28 PM
ذلتني عيــونـهـا..((قصة حب كويتيه اتحداكم ما تندمجون )) مجرد زائر شعر 0 2012-04-05 08:12 PM
ذلتني عيــونــا..((قصة حب كويتيه اتحداكم ما تندمجون )) مجرد زائر شعر 0 2012-04-05 08:12 PM



الساعة الآن 06:56 AM


Powered by vBulletin Copyright ©2000 - 2014