إضافة رد
 
أدوات الموضوع انواع عرض الموضوع
  #1  
قديم 2012-06-06, 03:24 PM
| طلال  طلال غير متواجد حالياً

 
تاريخ التسجيل: Dec 2011
المشاركات: 881
طلال is on a distinguished road
افتراضي آلبعآد




أصعب ألم مش م الآهات..
كتر العذاب مش م السهاد..
طعم المرار مش م العياط..
كل الدموع دى م البعاد..
ولا أى شىء بيهدنى الا البعاد..

ولا أى صعب يهزنى..
ولا حاجه يوم بتشدنى زى المرض وتشلنى..
الا المسافه والبلاد..
أبكى على العمر اللى فات..
ولا أشكره ع الذكريات..
على وحدتى وطول السكات..
وقعدتى زى الجماد..
أكلم نفسى بالساعات..
مافيش معايا حد أعاتبه..
ولا زمن أقدر أحاسبه..
ولاحد أشكيلو اللى حاسه..
حتى الامل بطلت أحبه..

بطلت أحسب ف السنين..
ح أحسبها ليه وأحسب لمين..
كل الليالى قريبين..
ف الشكل واللون والحنين..
والغربه مابترحمش عين..
كل العيون هنا سهرانين..

البعد كلو عذاب وويل..
وفراق ومر وهد حيل..
أنا ظلمت وأتظلمت..
بس م الحب أتحرمت..
وصعب أصرخ جوه نفسى..
لما أحكى ولا أسمعش حسى..
وصعب أكون ف العالم وحدى..
وكل الناس من فوقى تعدى


رد مع اقتباس
إضافة رد

مواقع النشر (المفضلة)

الكلمات الدليلية (Tags)
آلبعآد



جديد مواضيع قسم شعر
 
أدوات الموضوع
انواع عرض الموضوع


آلبعآد




الساعة الآن 07:01 PM


Powered by vBulletin Copyright ©2000 - 2014