إضافة رد
 
أدوات الموضوع انواع عرض الموضوع
  #1  
قديم 2012-05-11, 11:12 AM
الصورة الرمزية عبدالله
| عبدالله  عبدالله غير متواجد حالياً

 
تاريخ التسجيل: Dec 2011
المشاركات: 941
عبدالله is on a distinguished road
افتراضي ولد وصرت بنت؟!


بسم الله الرحمن الرحيم
هلا مكساتيين اخباركم احوالكم
ام هذي اول مرة اسوي فيها قصة
المهم انا ما احب المقدمات يلا نبدأ

...:ماما انا يوعانة متى ناكل ؟

...:نطري اخوانج وابوج خل ييون من المسيد
...:أصلا أهم بيطولون حطي لنا الغدا وشيلي لهم
...:راكانو وويع انطر أبوك و أخوانك وهذا أنت العود انطر
...:هههه تستاهل انطر يا مال الثول ههه
راكان:هي ميو أنا اخوج العود لا تقولين لي يامال الثول يا هبلة
مي:آسفة (بعدها مدت لسان خفيفة )
أم راكان:راكان روح ييب لي الحلاو عشان أحطة على الكيكة
راكان: طيب
(راكان راح ركض وزلق من الماي الموجود على الدري)
راكان:احح آآخ يوجع (وقف بسرعة وقعد يمسح على راسة )
مي: هههه تستاهل ههههههه
...:احترمي نفسك ولا تقولي حق أخوك الكبير تستاهل
مي:آسفة راكان
راكان:طيب سامحتك ,كفو يا مريم هذا الأخوات ولا بلاش
مريم:العفو هههه
مي:هي أنت يعني أنا بلاش
:mad-new::mad-new:
راكان:ههه كلن أدرى بنفسه امزح أمزح لا تزعلين هههههه
مي:شوف مو يعني أن عمري 8 سنوات بسكت بقول حق أبوي يابو 28سنه
مريم:لا وتهددينه ترا فرق 20 سنه بس يعني عادي يكفخج ويبدأ بالكذب (مريم بضحكة شيطانية حقت الأفلام )نياهاهاهاهاهاها
راكان:لا بس قولي لها مرة ثانية لأخلي حياتك مثل يهنم الحمرا يا (مي)
مي:يما جوفيهم يهددوني
أم راكان:يلا لا تتناجرون كأنكم بزورة, و ويع راكانو وين الحلاو ؟؟
راكان :آسف يمه الحين أروح ايبة
مريم و مي : آسفين يما
أم راكان :خلاص سامحتكم بس لا تعيدونها
راكان (وهو يتنفس بسرعة من الركض): تفضلي
أم راكان :تسلم
راكان: الله يسلمج
...:يا الله بسم الله الرحمن الرحيم يا الله يا الله
أم راكان :تفضل يا أبو راكان تفضل
أبو راكان:الغدا زاهب ؟
أم راكان:أي الحين ازهبة في غرفة الطعام
...:هلا شباب
راكان:هلا إبراهيم الله يتقبل
إبراهيم:منا ومنك يا اخوي العود
مي:أمم دعيت لي ؟
إبراهيم:أكيد مستحيل أنسى القمر
مريم:أحم أحم وأحنى ؟
إبراهيم:شلونا أنسى توأمي وروحي أكيد دعيت لج
...:hello guys
مريم:Hi my brother
إبراهيم:تحجى عربي لا اهفك بكف
...:آسف خلاص ما أعيدها
مريم:عبود تعال تعرف كيف تخترق إيميلات؟
...:أولا قولي عبد الله أو أبو عابد ثانيا ليش تسالين؟
مريم:أبيك تخترق إيميل المدرسة عشان أ.خ.ف(أسرق اختبارات الفاينل )
عبد الله:ذاكري وتنجحين
أم راكان:يلا تعالوا تغدوا .
مريم(بنبرة خوف):برهووم تعال تلفون

راكان اهو العود طويل لون عيونه ازرق لون بشرته ابيض معضل شوي بس اهو مركز على عضلات اليدين و الصدر ويحب يلعب كرة يد يعرف يتكلم شوي اسباني لأنه مرافج واحد اسباني في دراسته على فكرة اهو ساقط سنتين يحب يسمع موسيقى بس ما يحب يسمع أغاني

عبد الله اهو الصغير بعد راكان اهو عبقري في اللغة الانجليزية وللحين يدرس بأمريكا بس جاي فترة قصيرة لأهلة عمرة 26 شعرة طويل شوي ومرجعة على ورا بياضه بياض أمريكيين لون عيونه اخضر بس واضح انه من الكويت ويحب لعب كرة السلة ويسمع الأغاني(ويحب لقل بو عابد لأنه مرافج سعودي واهو طلع عليه هالقب وعجبه اللقب )

إبراهيم اهو الوحيد اللي ما يحب يسمع أغاني اهو و مريم توأم لاكن اهو اكبر منها بثلاث ساعات عيونه عسلية حيل حلوة عليه طوله وسط بالنسبة لإخوانه يحب كرة القدم بشكل جنوني لغته الإنجليزية ممتازة عمره 17 طبعا اهو مرح وحبوب لاكن وقت الجد جد فرق عن أخوانه شوي لأنهم عادي في وقت الجد يستهبلون المهم
ممتاز حيل في الدراسة و مافي احد يقدر يهايط عليه لأنه قوي بالنسبة لدفعته و لون بشرتة بيضة مثل لون بشرة مريم

مريم توأم إبراهيم اصغر منه ب ثلاث ساعات عمرها 17 لون عيونها مثل إبراهيم عسلية لون شعرها بني راكب مع عيونها حيل جميلة بس باردة شوي تحب الحيوانات اللي يرافجها يصر يحب الحيوانات بشكل جنوني تحب أخوانها لدرجة أنها صارية أم القالب في البيت تحب تسمع
Selena Gomez وتحب تجلس في المكان المظلم (يعني مكان ما فيه نور ) ويسمونها أميرة الظلام منهبلة في كيك باسكن تحب السباحة و التسوق بشكل جنوني لدرجة أنها تشتغل جليسة أطفال حق أخوانها
و تاخذ فلوس عاد الكل يبدأ يسهب لاذا صارت جليسة أطفال ههه بس تاخذ خمس دنانير راتب الجليسة ست دنانير بدل استهبال أخوانها دينارين بدل خوف أربع دنانير بدل بجي في الغرفة المجموع 17 دينار و ثلاث دنانير إكرامية يعني 20دينار غير مصروفها اليومي الدينارين المهم وغير طلب الفلوس من أمها و أبوها كل واحد على 12دينار يعني باليوم تجيب 34 دينار غير اللي تاخذة من أخوانها بالتمسكن (يعيني تسوي نفسها مسكينة )
ههه البنت حرامية شوي ههه بس هم ما يكفي حق السوق بالنسبة لها


أم راكان عمرها 45 بس تعتبر للحين محافظة على شبابها أهي و أبو راكان متزوجين بعد قصة حب طويلة وأسمها الأصلي هيا بس ماحد يناديها فيه حتى زوجها لأنه يناديها بـ(حبي قلبي عمري ...الخ)

أبو راكان عمرة 50 سنة يحب زوجته أم راكان بشكل جنوني و عاشوا قصة حب و تزوجوا بقصة حب ويحبون بعض للحين وأسمه الأصلي محمد بس هم ماحد يناديه فيه حتى زوجته بـ(حبيبي عمري روحي ...الخ)

مي أهي آخر العنقود ودلوعة أبوها و أمها عمرها 8 سنوات دلوعة و شيطانه بس تحب الكل وقلبها للحين ابيض .

أيش رايكم ؟؟
بكل صراحة
أقتراحاتكم بكل ثقة

س1- منو المتصل ب إبراهيم ؟
س2-مريم ليش خافت يوم ردت على التليفون ؟
رد مع اقتباس
إضافة رد

مواقع النشر (المفضلة)

الكلمات الدليلية (Tags)
ولد, وصرت, بنت؟



جديد مواضيع قسم شعر
 
أدوات الموضوع
انواع عرض الموضوع


ولد وصرت بنت؟!


المواضيع المتشابهه
الموضوع كاتب الموضوع المنتدى مشاركات آخر مشاركة
ليه يادنيا دنيا ليه تعذبيني وتسقني من الهم (كنت وين وصرت وين) مجرد زائر شعر 0 2012-04-16 05:55 PM
زوجي راني في المنام وكاني عجوز وصرت قبيحة منى دليل قلب 0 2012-03-05 06:16 PM



الساعة الآن 10:42 AM


Powered by vBulletin Copyright ©2000 - 2014