إضافة رد
 
أدوات الموضوع انواع عرض الموضوع
  #1  
قديم 2012-05-11, 05:19 AM
| طلال  طلال غير متواجد حالياً

 
تاريخ التسجيل: Dec 2011
المشاركات: 881
طلال is on a distinguished road
افتراضي حبك تسالى






حبك تسالى..مش حب غالى.. فيه اشتياق..
حبيت خضوعى..وبحور دموعى..
تتسلى بيا..يومين شويه..
والباقى كله هجر وفراق..

دايما اخيره..وابات ف حيره..
وكل عمرى معاك صدف..
شيّبنى حبك..بقيت كبيره..
وكل شىء فيا اختلف..

علمتنى بتحب ايه..
ونسيت انا بحب ايه..
وملكت عمرى واللى فيه..
ادتنى انت قصاده ايه..

مليت لى قلبى حب ليه..
لما انت ناوى تتسلى بيه..
وتحس بيا وتبقى عارف..
حيرنى طبعك..اعمل ايه..

انا حبى ليك هوه الحياه..
ونهايتى لحظة منتهاه..
اصعب غرام فى الدنيا لما ..
تحب حد و مش معاه..
انت تملا حياته جنه..
وتشوف منه الآسى والأه..
مش بيهمه انك تتهنى..
ولا يوم تفرق انت معاه..

وقت جميل قلت تقضيه..
احساس عاشقه بتلعب بيه..
وشعور انثى تحرك فيه..
وتشوف نفسك تقدر تعمل ف الناس ايه..
قلبى حنين..
واهو ده اللى انت قدرت عليه..
منك لله. ومش من قلبى .وح اقولك ايه..
عمرى ف حبك..
مش ح ادعى عليه..

انا بس بيصعب على قلبى الحيره ليالى..
ورا قلب بيتسلى بحبى ولا عندوش غالى..
ولا ليه ف الحب..
ولا جواه قلب..
واللى مابينى وبينه تسالى..
وبقيت استغرب كام مره كان قالهالى..
ولا فيش ولا مره كت كلمه م اللى ف بالى..
كل اللى بيخطر على باله يصّبر حالى..
والاخر يمشى وبيسيبنى كأنه ماجالى..
علشان الحب اللى ف قلبه حب تسالى



رد مع اقتباس
إضافة رد

مواقع النشر (المفضلة)

الكلمات الدليلية (Tags)
تسالى, حبك



جديد مواضيع قسم شعر
 
أدوات الموضوع
انواع عرض الموضوع


حبك تسالى




الساعة الآن 06:25 AM


Powered by vBulletin Copyright ©2000 - 2014