إضافة رد
 
أدوات الموضوع انواع عرض الموضوع
  #1  
قديم 2012-05-10, 08:41 PM
| طلال  طلال غير متواجد حالياً

 
تاريخ التسجيل: Dec 2011
المشاركات: 881
طلال is on a distinguished road
افتراضي عآتبته


عاتبته..
ومشيت وسيبته..
مد ولحقنى..وقاللى استنى..
اسمعى منى..غصبٌ عنى..
قلتله كدبك واضح..
انت ماجيتش امبارح..
زعقتله..
واتعصبت عليه..
قلتله..و قدام عينيه..
انت بتكدب ليه..
زقيت إيده لما لمسنى..
خفت اضعف لو صوته همسلى..
ح تقول ايه..
مابقاش عندك شىء تحكيه..
وحبيب طيب تبكى عليه ..
ولا طيف غالى..و مستنيه..
يبقى يهمك منى انا ايه..


واحده..و زى كتير قبليّه..
تتسلابى وتلعب بيّه..
وآما تعوزها.. آهى مرميّه..
عاجباك غيرى.. تفرط فيه..
تخسر واحده.. تقابل ميه..


عاتبته..
زعقتله..
وبكل غيظى قلتله..
انا بنت ناس..
مش واحده تعرفها وخلاص..
وعاتبته ..
على إهماله ليا..
وعاتبته.. على كدبه عليه..
على وحدتى ..على دمع عينيه..
عرفته.. ايه يعنى آسيه..
وإزاى كان مايهونش عليه..
ومش انا اللى اقبل أكون لعبه ف إيديه..
انا ليا قلب بيحبه و يتخاف عليه..
وشعور لابد إنو يراعيه..


عاتبته..
على كل حاجه تعبت منها وقت غيبته..
على كل دمعه دبلت منها لما سيبته..
على اسئلة كل البنات..
وحيرتى.. والرد السكات..
قولتله..
مايهمنيش..
لو يوم تروح ولا تجيليش..
انا كنت عايشه قبل حبك..
وبرضه من غيرك ح اعيش..
عاتبته..
عشان حبيبته..وليا عليه..
مش بالكلام..
انا أغلى حد يحس بيه..
هزيت مشاعره..
وأنا شابكه إيدى فى وسط ظهره..
وقولتله..
كلام فى آخره.. انا ليه بحبه..
سابنى خلصت الكلام.. ومسح عينيه بكف إيده..
ومدها على كل خدى وبصلى.. وقال هِدِيتي..
سكت انا.. بس الدموع مش راضيه تسكت..
مااعرفش ليه.. لمسة إيديه.. خلتها جريّت..
وقاللى يلا.. كل الناس حوالينا مشيت..
قلتله..
على فكره..انا فاضيه بكره..
بصلى..ضحكتلو..
قاللى ح اعملك مفاجأه
رد مع اقتباس
إضافة رد

مواقع النشر (المفضلة)

الكلمات الدليلية (Tags)
عآتبته



جديد مواضيع قسم شعر
 
أدوات الموضوع
انواع عرض الموضوع


عآتبته




الساعة الآن 02:17 PM


Powered by vBulletin Copyright ©2000 - 2014